影片
更多
2021-08-06
1899 瀏覽
幾年前完成活化既大館，係佢啱啱開放既時候小編入咗去一次已經覺得好靚，充滿殖民色彩既建築有如置身於歐洲💕後來愈黎愈多餐廳進駐，有好多間都充滿特色，由其係佢地既酒吧非常特別，經常都爆哂場🙆🏿♀️而小編今次去既餐廳係位於大館最大既一座樓，同層仲有兩間餐廳同酒吧 😼雖然係中菜廳，但餐廳既裝修係採用咗英式風格，一入到餐廳已經比佢既氣派驚豔到，正望入去有一大盞好有排場既水間燈，地板同窗框就保留咗大館既歷史原裝，充滿氣勢💃🏼加上昏暗既燈光，成個高貴優雅既環境令到小編都要更加注意自己既舉止😣—《 #煙燻北京烤鴨配五種自家特製醬料》$698 ⭐⭐⭐⭐⭐北京烤鴨係餐廳既signature dish，需時三十分鐘烹調，用蘋果木烤製🍎師傅會再走到席前即時將鴨皮片起，好似睇咗場表演咁🤹🏻♀️有啲餐廳會好講究咁分開淨皮、淨肉同半皮半肉，而依度就只片出皮同肉兩種🤫北京傳統老店全聚德既標準係片出108片，而餐廳用既烤鴨尺寸比較細，鴨皮只能夠片出26片，但每一片非常鼓漲，令人食指大動🤤近年北京烤鴨醬料既搭配都愈黎愈多變化，小編之前試過有藍莓醬、爆炸糖、蜜糖芥末，而依度既醬料都非常創新，除咗基本既烤鴨醬、白糖，仲有黑松露
幾年前完成活化既大館，係佢啱啱開放既時候小編入咗去一次已經覺得好靚，充滿殖民色彩既建築有如置身於歐洲💕後來愈黎愈多餐廳進駐，有好多間都充滿特色，由其係佢地既酒吧非常特別，經常都爆哂場🙆🏿♀️
而小編今次去既餐廳係位於大館最大既一座樓，同層仲有兩間餐廳同酒吧 😼雖然係中菜廳，但餐廳既裝修係採用咗英式風格，一入到餐廳已經比佢既氣派驚豔到，正望入去有一大盞好有排場既水間燈，地板同窗框就保留咗大館既歷史原裝，充滿氣勢💃🏼加上昏暗既燈光，成個高貴優雅既環境令到小編都要更加注意自己既舉止😣
—
《 #煙燻北京烤鴨配五種自家特製醬料》$698 ⭐⭐⭐⭐⭐
北京烤鴨係餐廳既signature dish，需時三十分鐘烹調，用蘋果木烤製🍎師傅會再走到席前即時將鴨皮片起，好似睇咗場表演咁🤹🏻♀️有啲餐廳會好講究咁分開淨皮、淨肉同半皮半肉，而依度就只片出皮同肉兩種🤫北京傳統老店全聚德既標準係片出108片，而餐廳用既烤鴨尺寸比較細，鴨皮只能夠片出26片，但每一片非常鼓漲，令人食指大動🤤
近年北京烤鴨醬料既搭配都愈黎愈多變化，小編之前試過有藍莓醬、爆炸糖、蜜糖芥末，而依度既醬料都非常創新，除咗基本既烤鴨醬、白糖，仲有黑松露醬、黑椒醬、紫蘇忌廉同西莓柚子醬😱小編最鍾意既係紫蘇忌廉，雖然聽落好奇特，但食落味道同鴨肉最搭😛
一份北京烤鴨會配上青瓜、大蔥、餅皮，要注意餅皮只有12塊，夾鴨既時候不妨貪心啲多夾幾塊😏餐廳既餅皮做得非常出色，非常薄但又夠韌唔易爛😆烤鴨外皮泛起油光，食落皮脆肉嫩，夾上各種配料一齊食實在係味蕾既享受😈小編覺得依道烤鴨既味道同精緻程度對比全聚德實在有過之而無不及👍🏼
—
《 #魚子醬魚卷》$168 ⭐⭐⭐💥
魚子醬魚卷係當日既廚師推介，廚師將燻好咗既魚卷起排列，表面再放上魚子醬，再加上少量金箔同一撮綠葉作點綴🌱依道菜真係做得非常之fine，每一件魚卷只有比一個硬幣大少少，對於只叫咗一道前菜既我地，食完就更加肚餓了😭魚肉有煙燻既咸香，有平時食煙燻三文魚既味，而魚子醬既鮮甜令燻魚味道更為突出🤓
—
《 #金沙海鮮炒飯》$218 ⭐⭐⭐
係眾多既主食入面揀咗依碟金沙海鮮炒飯，對佢充滿期待😗到上枱既時候見到佢既外觀同用料都相當樸實，海鮮只有切咗粒既魚同蝦😫咸蛋黃佈滿咗每粒飯粒，做到粒粒分明既效果，食落有啲沙既口感，亦兜咗菜芯同蔥令口感更豐富😼但相較其他菜式，依碟炒飯比較遜色，未有驚喜之處😿
張貼
