悅滿軒

陪朋友去文化館打卡，打完卡就試下果度幾有名既悅滿軒餐廳。入到去，間餐廳好有feel，係外面望看似平平無奇，但入到去好有情調！😳價錢雖然唔平，但我覺得食物質素，環境同服務都對得住佢既價錢，都難怪咁多人幫趁。🤣野食雖然叫得唔多，但份量都多，嗌左好少野都夠我同朋友2個食！🤗蕃茄麵包配黑水欖牛油 （Free)蕃茄麵包係餐前包，小小既番茄味好開胃，而且麵包口感好爽，再配埋個醬汁真係非常之夾。😆深海黃鮨吞拿魚他他配牛油果 （$158）呢個真係超級之正，非常推介！我第一次食他他就已經愛上咗！🤣之前我覺得他他好核突，所以都唔係好想食。但今次朋友叫到，又見佢有我至愛之一既吞拿魚同埋牛油果醬，就即管試一試。試完真係返唔到轉頭，口感好好，吞拿魚尾突出，再加埋成層超邪惡嘅牛油果醬，真係正到不得了！🤤🤤焗法國麵包蟹殼燴南瓜意大利飯 （$268）呢個份量超多，啲麵包蟹肉撩極都仲有。🤣雖然加咗啲麵包落去，但都唔會令到啲蟹肉好dry，蟹肉都仲係幾滑。南瓜飯都好香，飯粒都好彈牙好煙韌，不錯！👍凍檸茶 （$28）茶味突出又唔會蓋過檸檬嘅香味，不錯。😀