影片
更多
2021-10-23
6537 瀏覽
琴晚Happy Friday同朋友們去咗Park Lane Hotel間PLAYT 食自助餐, 同我去食buffet一定會回本有凸，朋友們成日都咁講，其實我自己都覺，本身我琴日胃口麻麻，餐前仲食左個麥炸雞餐先去，本仲諗住食少少就算，點知一坐低就胃口大開，黑洞開啟狀態🤣呢度影嘅都未完全影晒，因為我要專心食嘢，戰到最後😝😝😝💁🏻♂️💁🏻♂️💁🏻♂️好味同推介嘅區域：😋👍👇🏻👇🏻👇🏻👍👍👍生蠔🦪有兩款選擇即開即食超新鮮，鮮甜同埋濃郁海水味，大推！👍👍👍龍蝦海鮮區域全部都好新鮮，源源不絕👍👍👍佢嘅迷你葡撻係超級驚喜，係勁勁勁好食！外酥內嫩熱辣辣食最好食！我食到最後先發現都超驚喜，好食到食飽都要再拎多10個獨食🤣真心大力推👍👍刺身都好新鮮，最鍾意狂食三文魚同帶子👍👍佢嘅雪糕款款都正，係奶味偏濃果隻，最驚喜有榴槤同茅台味雪糕🍦👍煎鴨肝配法包香到癲👍點心嘅蝦餃同燒賣唔錯，其他就不過不失👍中菜部的中湯同蒸龍躉同叉燒都唔錯💁🏻♂️💁🏻♂️💁🏻♂️一般同埋中伏區域🥴👎👇🏻👇🏻👇🏻👎中菜區域嘅嘢食唔算出色，除咗蒸龍躉同埋叉燒切雞比較正常，其他嘅款式唔多，炒飯同炒魷魚仔嗰啲都小伏，炒飯有啲硬，魷魚仔好韌👎蒸點
💁🏻♂️💁🏻♂️💁🏻♂️好味同推介嘅區域：😋👍👇🏻👇🏻👇🏻
👍👍👍生蠔🦪有兩款選擇即開即食超新鮮，鮮甜同埋濃郁海水味，大推！
👍👍👍龍蝦海鮮區域全部都好新鮮，源源不絕
👍👍👍佢嘅迷你葡撻係超級驚喜，係勁勁勁好食！外酥內嫩熱辣辣食最好食！我食到最後先發現都超驚喜，好食到食飽都要再拎多10個獨食🤣真心大力推
👍👍刺身都好新鮮，最鍾意狂食三文魚同帶子
👍👍佢嘅雪糕款款都正，係奶味偏濃果隻，最驚喜有榴槤同茅台味雪糕🍦
👍煎鴨肝配法包香到癲
👍點心嘅蝦餃同燒賣唔錯，其他就不過不失
👍中菜部的中湯同蒸龍躉同叉燒都唔錯
💁🏻♂️💁🏻♂️💁🏻♂️一般同埋中伏區域🥴👎👇🏻👇🏻👇🏻
👎中菜區域嘅嘢食唔算出色，除咗蒸龍躉同埋叉燒切雞比較正常，其他嘅款式唔多，炒飯同炒魷魚仔嗰啲都小伏，炒飯有啲硬，魷魚仔好韌
👎蒸點心如果有啲蒸得太耐冇人拎會變得難食，但係佢又唔會換繼續蒸，所以總要有人食咗嗰啲整得過火嘅點心先，我一開始就拎咗一籠蒸到爛皮嘅蝦餃，之後推出嘅新鮮蝦餃先正常返好多
👎有一個區域食西班牙海鮮飯同意粉的，同樣係擺咗好耐個問題，如果冇人食，佢就會變得超難食但係又唔換新，盤西班牙海鮮飯變到勁濕，意粉又斷晒都冇人換
整體來講其實佢嘅伏位唔算多，大部份區域都係好食而食材新鮮，替換得都快，不過以佢嘅原價$698加埋一差不多要八百蚊一位我就覺得未必咁抵，因為尋晚朋友係會員有買一送一圍返四百幾蚊一位咁樣就真係幾抵啦！😋琴晚都食得好滿足😋😋不過今日要做返運動啦，有入有岀💪💪
店名：PLAYT 咖啡廳
地址：銅鑼灣告士打道310號柏寧酒店1樓
張貼
