嵐橋日本料理

營業中

休息中

忙完終於可以放工收爐，今晚同朋友嚟到尖沙咀白蘭軒道呢間嵐橋日本料理，地方唔大但有三層高，食物嚟講唔錯，因為壽司同刺身都幾新鮮，而串燒都有一定質素。.壽司盛八點 - 有赤身、油甘魚、三文魚、帆立貝、甘蝦、拖羅蓉海膽杯，以及日本直送魚2件整體都係新鮮食材，而壽司飯已經用醬油調好咗味道，當中以拖羅海膽杯係我最鍾意食，包埋卜卜脆紫菜，非常有口感👍刺身三點 - 有中拖羅刺身、牡丹蝦刺身、厚切鯖魚，中拖羅有豐富魚油香，口感嫰而無筋，整體都唔錯。串燒 - 分別試咗燒安格斯牛小排、鹿兒島黑豚秋葵卷、日本蕃薯仔，都係典型串燒，但質素可以。炸物 - 吉列廣島蠔，蠔都幾肥美而且都幾多汁! 新鮮炸好，食既時候小心唔好燙到。主食- 鹿兒島黑豚肉鍋燒烏冬 - 天冷冷暖身之選，加咗泡菜辣辣地，暖胃效果再提升，粗身烏冬掛湯效果都可以。