影片
更多
2024-02-05
16 瀏覽
呢間居酒屋嘅地址有少少隱蔽，喺一條橫巷內，鋪頭細細間，感覺有少少似日本當地一啲特色小店～開胃前菜，分別有自家制柚子蘿蔔、鹽水青瓜同埋汁煮牛肉，柚子蘿蔔酸甜爽口，汁煮牛肉入味軟淋～日本高濃度蕃茄，蕃茄去皮切件，加入醬汁，食落好開胃，蕃茄好清甜，味道特別香濃，同平時食開嘅蕃茄好唔同～串燒，分別叫咗手羽先、鹽燒雞肉串、汁燒雞肉蔥串、免治雞肉棒及波子提猪肉卷，全部都係即叫即燒，而且好大串，食落調味相當唔錯，而且係用啲靚食材去製作嘅😋比較特別嘅係波子提猪肉卷，燒到微焦嘅猪肉包住清甜爽脆嘅波子提子，食落好Fresh，除此，仲有多款水果串燒～日式炸雞，炸到外脆內裏juicy，肉質嫩滑又入味，可以點少少沙律醬，味道更豐富！京都炸豆腐，豆腐外脆內滑，配上鰹魚汁，食落好香口～明太子及原味燒飯團各一個，熱辣辣，外面非常焦脆，飽肚之選最後，每人送上一杯自家制抹茶布甸，滑嘟嘟唔會太甜，配上紅豆及水果，好味！
呢間居酒屋嘅地址有少少隱蔽，喺一條橫巷內，鋪頭細細間，感覺有少少似日本當地一啲特色小店～
開胃前菜，分別有自家制柚子蘿蔔、鹽水青瓜同埋汁煮牛肉，柚子蘿蔔酸甜爽口，汁煮牛肉入味軟淋～
日本高濃度蕃茄，蕃茄去皮切件，加入醬汁，食落好開胃，蕃茄好清甜，味道特別香濃，同平時食開嘅蕃茄好唔同～
串燒，分別叫咗手羽先、鹽燒雞肉串、汁燒雞肉蔥串、免治雞肉棒及波子提猪肉卷，全部都係即叫即燒，而且好大串，食落調味相當唔錯，而且係用啲靚食材去製作嘅😋
比較特別嘅係波子提猪肉卷，燒到微焦嘅猪肉包住清甜爽脆嘅波子提子，食落好Fresh，除此，仲有多款水果串燒～
日式炸雞，炸到外脆內裏juicy，肉質嫩滑又入味，可以點少少沙律醬，味道更豐富！
京都炸豆腐，豆腐外脆內滑，配上鰹魚汁，食落好香口～
明太子及原味燒飯團各一個，熱辣辣，外面非常焦脆，飽肚之選
最後，每人送上一杯自家制抹茶布甸，滑嘟嘟唔會太甜，配上紅豆及水果，好味！
張貼
