影片
更多
2025-04-05
72 瀏覽
尋晚去咗尖沙咀一間日式居酒屋【樂酒場】食晚餐，餐廳用咗霓虹燈招牌做裝潢，仲有塌塌米座位，彷如置身日本。【迷の刀五雕刺身盛合】有三文魚+三文魚籽、吞拿魚、甜蝦、帶子、油甘魚，新鮮到不得了，我就最鍾意蝦膠重嘅甜蝦，同埋魚油豐富嘅油甘魚。【三文魚層層疊】 三文魚刺身下係三文魚卷物，上面係明太子醬。店員用火槍燒變成火炙三文魚，融入埋明太子醬就更加滋味。鍾意食三文魚嘅就一定要叫。【蒜燒厚切牛舌芯】燒到好香，牛舌厚切又有口感又juicy。【清酒煮白蛤鍋】清酒清甜x白蛤鮮甜，兩種甜味互相配合，酒嘅濃度恰到好處，白蛤亦水潤嫩滑，高質！【雞皮餃子】以雞皮作為餃子皮，令到餃子更加多汁，仲多咗陣雞油香。【吉列童星蝦】用童星點心麵嘅包裝袋包住兩隻蝦。炸蝦嘅外皮就係童星點心麵，令到炸蝦口感非常鬆脆，真係別出心裁。【明太子醬厚燒玉子】明太子嘅咸香同蛋味完美配搭。【免治軟骨雞肉棒】蘸生蛋食，蛋汁香滑，令雞肉味道更豐富。【雞翼】即燒！外皮脆口，肉質依然嫩滑。每一道菜都出色，而且氣氛熱鬧，的確係放工後想去輕鬆食嘢嘅好地方。
【迷の刀五雕刺身盛合】有三文魚+三文魚籽、吞拿魚、甜蝦、帶子、油甘魚，新鮮到不得了，我就最鍾意蝦膠重嘅甜蝦，同埋魚油豐富嘅油甘魚。
【三文魚層層疊】 三文魚刺身下係三文魚卷物，上面係明太子醬。店員用火槍燒變成火炙三文魚，融入埋明太子醬就更加滋味。鍾意食三文魚嘅就一定要叫。
【蒜燒厚切牛舌芯】燒到好香，牛舌厚切又有口感又juicy。
【清酒煮白蛤鍋】清酒清甜x白蛤鮮甜，兩種甜味互相配合，酒嘅濃度恰到好處，白蛤亦水潤嫩滑，高質！
【雞皮餃子】以雞皮作為餃子皮，令到餃子更加多汁，仲多咗陣雞油香。
【吉列童星蝦】用童星點心麵嘅包裝袋包住兩隻蝦。炸蝦嘅外皮就係童星點心麵，令到炸蝦口感非常鬆脆，真係別出心裁。
【明太子醬厚燒玉子】明太子嘅咸香同蛋味完美配搭。
【免治軟骨雞肉棒】蘸生蛋食，蛋汁香滑，令雞肉味道更豐富。
【雞翼】即燒！外皮脆口，肉質依然嫩滑。
每一道菜都出色，而且氣氛熱鬧，的確係放工後想去輕鬆食嘢嘅好地方。
張貼
