BRICK LANE (圍方)

營業中

休息中

Brick Lane而家喺新界區都有啦✨喺大圍上年落成嘅圍方 環境裝修走英倫風 設計得有格調 聽住柔和嘅英文歌 氣氛好放鬆🎵放假同朋友嚟嘆個brunch🍽️chill chillꕥ 煙三文魚班尼迪蛋一嚟到即刻check下隻蛋先 有流心嘅😆我鍾意蛋汁流落去 令到個包口感帶點濕潤咁食 加埋煙三文魚嘅燻制鹹香 味道夠層次🐟伴碟仲有火箭菜同西柚配黑醋汁ꕥ 原隻龍蝦蕃茄扁意大利麵保留龍蝦頭同尾做伴碟 賣相幾靚🦐龍蝦肉已一早拆好 份量都唔少 口感都幾彈牙 意大利麵煮得啱啱好 軟硬適中 而蕃茄汁係比較清新嘅酸甜味👍🏻 ꕥ 薯條配黑松露蛋黃醬ꕥ 酥脆雞翼兩款小食都係即叫即炸 所以上枱嘅時候都係熱辣辣脆卜卜🍟薯條係幼身嗰種 黑松露蛋黃醬味道好香好濃郁 會令人食唔停口😍另外仲有配埋茄汁 而雞翼外層好酥脆 入面都仲保留到肉汁 本身調味都好充足 想再惹味啲嘅可以點咪旁邊嘅燒烤醬飲品有咖啡/果汁等 亦都有酒類🍹而咖啡都唔只得Classic款 我就點咗海鹽焦糖咖啡 口味都唔錯啊☕️