快樂．順景

營業中

休息中

第一次寫食評，估唔到係嬲到要寫負評，仲要係第一次幫襯依間，亦係最後一次幫襯！首先同同事買外賣時，對於餐牌有不明白問一句，都俾佢串話：「唔係一定要睇圖，加錢咪可以轉，唔明有咩問題！」咁唔明問下都正常，你做得生意，客唔明就應該解釋，個餐牌圖令人難明，會唔會係你餐廳要改進先岩，使唔使咁差嘅態度！之後問點解收個錢會貴過牌餐，又串話：「點呀！外賣要加錢！」仲要眼啤啤，其實你唔講，客又點知要加錢，服務態度真係差到可以攞全港第一，仲要我哋買個兩個包都唔熱，又痴牙，一啲都唔好食！我前面有對外國人買野都係咁俾佢串，佢哋都用英文呻咗句！其實銅鑼灣咁多餐廳茶餐廳既選擇，真係唔需要俾錢買難受，仲要野食唔好食，加上世一差既服務態度，真係百年難得一遇，我同同事都唔會再幫襯，亦會叫身邊既同事朋友唔好幫襯！