丼燃食堂

營業中

休息中

店面、餐具、餐牌其實都有用心設計，係有特色嘅。但一間餐廳最重要始終係食物質素、價錢同埋座位嘅舒適度。本身個定價已經好進取，收埋加一真係嬲嬲地。食物質素：下午茶時間去，即叫即整，結果啲嘢係暖，飯唔熱。價錢：$148個鰻魚鵝肝飯，仲要加1 ，鰻魚我覺得合格嘅，鵝肝真係好唔得👎🏻，索價過百真係要比返好少少嘅料。$58個lunch set 三文魚沙律叫ok，樣靚，但餐廳竟然無牛油果，要轉第二啲嘢，講真，你餐牌都唔係好多樣嘢揀姐，你間嘢對面就係街市，有無心做食物可見一斑。👎🏻👎🏻👎🏻舒適度：只能夠講比傳統茶記仲差。位又細又迫，食完會想即走。如果你話呢間係食環境嘅話，真係一次就夠。同樣價錢同一條街已經有好多更好嘅選擇。