影片
更多
2025-03-20
350 瀏覽
🐽 刺身拼盤三文魚厚切夠肥美，油甘魚魚油香突出，最驚喜係甜蝦同馬刀貝夠鮮甜無雪味，素鮑魚爽口得嚟唔會膠，整體質素拍得住單點壽司店。 🐽 和牛拼盤SRF肉眼雪花均勻，輕輕一淥已經嫩滑帶奶香。封門柳肉味濃得嚟有嚼口，牛板鍵薄切唔會韌，安格斯牛小扒油脂比例啱啱好，食多幾轉都唔膩🐽 海鮮拼盤海蝦上枱仲識嘟，鮑魚仔新鮮彈牙。生蠔雖然細隻但夠哂鮮甜，帶子同北寄貝淥完唔縮水，沙白吐沙乾淨無砂。最正係海鮮全部無雪到過龍，食到原味🐽 麻辣雞煲雞件入味得嚟唔會煮到鞋曬，汁醬麻香過癮但辣到嗌水程度，加湯打邊爐仲惹味🐽 炸魚皮脆卜卜吸湯一流，墨魚滑真材實料打到起膠，丸類正常發揮但魚肚夠厚身索汁。娃娃菜同金菇夠新鮮
🐽 刺身拼盤三文魚厚切夠肥美，油甘魚魚油香突出，最驚喜係甜蝦同馬刀貝夠鮮甜無雪味，素鮑魚爽口得嚟唔會膠，整體質素拍得住單點壽司店。
🐽 和牛拼盤
SRF肉眼雪花均勻，輕輕一淥已經嫩滑帶奶香。封門柳肉味濃得嚟有嚼口，牛板鍵薄切唔會韌，安格斯牛小扒油脂比例啱啱好，食多幾轉都唔膩
🐽 海鮮拼盤
海蝦上枱仲識嘟，鮑魚仔新鮮彈牙。生蠔雖然細隻但夠哂鮮甜，帶子同北寄貝淥完唔縮水，沙白吐沙乾淨無砂。最正係海鮮全部無雪到過龍，食到原味
🐽 麻辣雞煲
雞件入味得嚟唔會煮到鞋曬，汁醬麻香過癮但辣到嗌水程度，加湯打邊爐仲惹味
🐽 炸魚皮脆卜卜吸湯一流，墨魚滑真材實料打到起膠，丸類正常發揮但魚肚夠厚身索汁。娃娃菜同金菇夠新鮮
張貼
