壹火鍋

某些人可能會對兆萬中心的食肆避之則吉，不過惡名存在多年，近來聽聞這裏多了不少價格實惠、食物質素不錯的餐廳，這間火鍋也是其中一間不少好評的餐廳，一於到場試試。平日晚餐最繁忙時間都是$209/位，包最基本的多款肉類、多款蔬菜碗、打邊爐丸類，而且場內飲品款式不少(有免費啤酒)、甜品有不同口味的雪糕，絕對夠大快朵頤僅是湯底都有十數款選擇，三五知己的話建議叫鴛鴦鍋，一濃一淡便可照顧不同人的口味很有層次的豉油碟：基本食物方面雞牛豬羊都有，值得一讚的是牛柏葉清洗乾淨、口感爽脆：基本盤的雪花肥牛賣相吸引，切割厚薄度適中，而且也頗有牛味：分享了社交媒體獲贈送頂級和牛拼盤，賣相很精緻，而且肉質確實比基本的肉類更昇華一個層次。手切封門柳牛味十足而且淥過熟了一點也不會很韌，至於安格斯肥牛片則是很適合邊爐的部位，涮一涮後點醬油非常滿足。加$50便有的海鮮船，可見海鮮種類很多，很少見並非專門食海鮮的火鍋店有如此多款海鮮，盆邊的海蝦及中間的鮑魚送上來的時候還在蠕動，雖然感覺有些殘忍但海鮮確實很新鮮；兩隻蠔都超級肥美，這盆海鮮船(雖然不太有船的形狀)非常抵食。總括而言，這間邊爐店食物種類十分多(還有雞煲！因胃部空間有限，今次未盡嘗試)，而且價錢非常合理。加上店員人數頗充足，不會叫到湯底燶才來加湯；我預早book位所以當晚有得坐卡位，座位非常舒適，又不會距離自助食物/飲品吧很遠，很是方便。…查看更多

這間位於旺角兆萬中心的火鍋放題店，一向以性價比高聞名，能吃到雞煲、刺身及火鍋，一次過三種享受。單是平日已經全場滿座，還有不少人等位，幸好一早有訂座。雞煲﹒海鮮火鍋 - $209/位九層塔麻辣雞肥美的雞件嫩滑多汁充滿油香，散發著濃濃的香辣醬汁，九層塔香草平衡膩感。刺身拼盤多款新鮮刺身充滿鮮味，包括三文魚、希靈魚、甜蝦、魷魚、榮螺、八爪魚、蟹柳及鮑片等，可加錢升級無限追加。鮑魚海鮮船 +$50/位新鮮生猛的海鮮拼盤，海蝦鮮活得不斷活動，好易去殼好鮮甜，還有鮑魚、生蠔、海蜆、帆立貝及珊瑚蚌。和牛拼盤全枱每位完成簡單任務便可享有，或可加錢升級無限追加。有SRF和牛肉眼、極上牛板鍵、安格斯牛小排及手切封門柳等高品質鮮牛肉，每款均各具特色，厚切特別有口感，牛味好濃郁。自助區單是火鍋配料便有十數款，如丸、餃子及香腸等，又有多款蔬菜，而火鍋醬料亦不馬虎，可自行調配。甜品及飲品有雪糕杯及雪條選擇，當中有本地、韓國及新加坡品牌，有多款口味選擇；而飲品有常見的罐裝汽水及茶飲，亦有清熱的樽裝飲品，還有啤酒可選擇。…查看更多

這間人氣火鍋放題店位於旺角的兆萬中心，主打雞煲及火鍋，價錢定位大眾化，建議預先訂座確保有座位。晚市時段分為六個時段收費，可任飲任食兩小時，可加錢追加刺身、和牛、龍蝦及海鮮等。雞煲．海鮮火鍋 - $209/位入座時段6:30PM至9:00PM九層塔麻辣雞或可直接選湯底火鍋。肥美飽滿的雞件嫩滑多汁而不柴，有香辣惹味的奇味醬汁，更有九層塔獨特的香氣。吃完加湯便可吃火鍋。刺身拼盤三文魚有明顯的脂肪紋路細膩滑嫩；希靈魚粒粒魚籽好爽脆；甜蝦香甜帶點黏性；蟹柳柔軟有彈性；魷魚、榮螺及八爪魚爽滑彈牙有嚼勁；鮑片煙煙韌韌；甜蛋紮實豐厚。鮑魚海鮮船 +$50/位肥美的生蠔清爽奶滑好鮮味；厚肉爽身的鮑魚有明顯的鮮甜味；海蜆鮮甜無沙；海蝦爽滑彈牙；帆立貝有純淨的鮮甜；鮮魚富膠質；珊瑚蚌爽脆彈牙。和牛拼盤完成指定任務即可免費享用。極上牛板鍵結實帶嫩，中間有條透明的嫩筋；手切封門柳柔軟且帶有嚼勁，肉味濃郁；安格斯牛小排軟嫩多汁，有豐富的脂香；SRF和牛肉眼豐富的油花嫩滑多汁。自助區有專人打理及補充食物，環境保持得乾淨衛生。火鍋醬料有幾十款調味料自行調配；多款新鮮翠綠的蔬菜，亦有林林總總的火鍋配料。甜品有本地品牌CoCoberry雪糕杯、新加坡King's雪條及韓國樂天TICO迷你特濃朱古力雪糕批。飲品有多款罐裝及樽裝飲品，亦有啤酒供應。…查看更多

再次到訪位於旺角兆萬中心的「壹火鍋」，係一間主打任飲任食的港式火鍋店🍲價錢貼地樸實，比一般火鍋放題店性價比更高火鍋醬料、調味料、配料及新鮮蔬菜，各款常溫或冷暖飲品都係自助任取，款式都幾多元化刺身拼盤打邊爐之前店員會先送上日式刺身拼盤～三文魚、希靈魚、甜蝦、蟹柳、魷魚、榮螺、八爪魚、鮑片及甜蛋等等刺身樣樣都有齊，每款都鮮甜美味鴛鴦蕃茄湯及四川麻辣湯麻辣湯都幾足料，有唔少花椒及辣椒🌶️又麻又辣！蕃茄湯酸酸甜甜的好開胃，正啊鮑魚海鮮船海鮮船陣容鼎盛，影相打卡就啱晒！豐富海鮮包括有生蠔、鮑魚、海蜆、海蝦、帆立貝、鮮魚及珊瑚蚌等等。海蝦勁新鮮，仲郁架牛肉拼盤極上牛板鍵、手切封門柳、安格斯牛小排、SRF和牛肉眼🐮整體都幾高質，牛肉油脂雪花分布均勻，肉味香濃啖啖肉…查看更多

食過十間雞煲左右，但都係超越唔到呢煲芝士麻辣雞🩷仲要每次都係食番芝士麻辣雞，食過真係翻唔到轉頭！完全試唔到其他煲。。。。雖然喺被稱為兆萬伏塔入面🥹但個芝士麻辣雞煲真係好啱我胃口，(中辣)勁惹味，仲要有拉絲芝士🚰·̫🚰，仲可以refill ♥ 𐔌՞ ܸ.ˬ.ܸ՞𐦯 ♥+$50無限追加刺身有十二款刺身任食，唔會雪到無曬味同好冰，特別推介三文魚、甜蝦、同榮螺都好爽And 會放鮑片落雞煲到（隱藏食法）+$50成本價海鮮船（真係抵）今次北寄貝、生蠔，仲識郁蝦同大鮑魚，帶子、珊瑚蚌、海蜆同魚 入座送極尚牛拼盤~~去過咁多次今次個肉紋係比較唔靚既一次比起日式邊爐（牛x、日x)港式雞煲真係無敵。。。止少唔係得蔬菜雜丸 (⑉･̆༥･̆ ⑉)，嘢食選擇多，價錢又好合理，海蝦仲識郁(cp值高),醬料區有十幾款-飲品區-雪糕區-有雪糕杯、雪條、雪糕批~種類都好多~~$199任食2.5個鐘 種類算多呢個價錢有呢個味道真係冇投訴🥲🥲🥲…查看更多

今日黎到壹火鍋食放題，鍋款有好多選擇，今次揀左依個冬瑤卜卜硯湯底🍲足料，鮮味夠加勁甜😍之後刺身拼盤🍣三文魚新鮮，其他刺身都係水準以上👍🏻食完刺身拼盤，到個海鮮拼盤，全部都好新鮮，原隻海蝦仲跳下跳下🦐大隻鮮甜，鮑魚，珊瑚蚌，蟶子爽口彈牙，生蠔🦪肥美食落好滿足，性價比極高跟住開始加湯打邊爐，頂級和牛拼盤，作為牛控既我超級收貨😍和牛，牛小排，封門，牛肩，全部都高質，配埋個卜卜硯湯，清甜帶出勁重牛味，絕🫰🏻自助區有不同配料，飲品同雪糕選擇，其中有一個好罕見既丸物，係咸蛋黃丸😱真係好有驚喜另外仲可以電話落單，仲有豬，魚，雞，羊，海鮮等選擇，食都食唔哂👍🏻👍🏻今日星期四黎，都全場爆滿，現場仲會有外國遊客去食，真係一位難求🧏🏻‍♂️總結一下，性價比高，款式多，環境氣氛好，食物質素高，店員有禮，出餐時間快有效率，絕對係放假都會不定時去食…查看更多

尋晚同朋友喺旺角想搵間高質火鍋，喺西洋菜南街行行下，見到呢間「壹火鍋」好似幾唔錯，就決定入去試下！我哋揀咗個$259（星期日至四6:30-9:00）嘅set，估唔到有咁大驚喜！🤩🌟湯底：冬瓜卜卜蜆湯個湯底一上枱，嘩！勁足料！啲蜆好新鮮，粒粒都冇沙，肉質好飽滿鮮甜。個湯底本身已經好清甜，加上冬瓜嘅清潤同蜆嘅鮮味，打邊爐前忍唔住飲咗兩碗！🤤 絕對係必點之選！🥩肉類：質素有驚喜啲牛肉雪花分佈得好靚，牛味香濃，口感軟嫩得嚟又有啲嚼勁。除咗牛頸脊，我哋仲見到可以無限追加唔同部位嘅牛，好似牛板腱、牛肩胛等等，啱晒我哋呢啲牛魔王！🐮🦞海鮮船：超豐富！另外我哋仲加咗$100要個海鮮船，真係冇令我哋失望！個船一上嚟，我哋都「嘩」咗一聲！上面有生蠔、蟶子、鮑魚、帶子、海蝦、蜆等等，全部都好新鮮！生蠔🦪：勁大隻又肥美，海水味濃，入口creamy！蟶子：好爽甜，完全冇腥味。刺身：另外仲有三文魚、甜蝦、希靈魚等等，全部都好新鮮，特別係三文魚，油脂感好豐富，入口即溶！🥢其他配料除咗肉同海鮮，餐廳仲有自助吧，有好多丸類、蔬菜、麵食可以任攞，選擇好多，唔怕唔夠飽！✨總結總括嚟講，呢餐真係食得好滿足！以二百幾蚊呢個價錢，可以食到咁高質素嘅牛肉同海鮮，性價比真係超高！環境都坐得舒服，店員服務態度又好，不停幫我哋加湯。絕對係一間我會再encore嘅火鍋店！💯…查看更多

呢排好想打邊爐，所以收工就捉咗個朋友嚟同我開餐，如果打邊爐我一定揀呢間壹火鍋做首選，三個字「平、靚、正」。預先 Book 咗位，入座時安排坐卡位，座位有一邊仲有得差電添相當窩心。對上一次嚟食自助吧啲食物都係用膠蓋冚住，今次發現添置咗更好嘅設備，餐廳非常有心去經營。一如以往都係直接叫我最愛食嘅冬瓜卜卜蜆湯底 🥰 三個幾月冇嚟食，味道依舊係咁出色，冬瓜卜卜蜆湯底真心正，誠意推介。牛肉拼盤提供五款唔同嘅款式，每款口味都唔一樣，不過全部牛味都好濃郁，而無限追加嘅牛肉質素亦唔差。刺身非常鮮甜，另外每位加 $50 蚊嘅海鮮船更加係無得頂，連平時好嘴刁嘅朋友都話呢隻海鮮船超正。…查看更多

同朋友喺旺角百老匯買完電器，夜晚唔知食咩好，朋友就提議去兆萬中心食晚餐，兆萬中心都有幾間放題同火鍋，最後揀咗呢間壹火鍋。餐廳提供多款火鍋配料，放喺出面自取嘅食物都有用膠蓋蓋住，都幾乾淨衛生。自己唔太鍾意食雞煲，所以就直接打邊爐，叫咗其他地方比較少見到嘅冬瓜卜卜蜆湯底。卜卜蜆大大隻好肥美，湯底帶微微嘅黑椒香氣，冬瓜又入哂味超級正。加錢嘅海鮮船，有鮑魚、帶子、珊瑚蚌、生蠔、蟶子、龍躉片等等，海鮮非常新鮮同高質。另外一次性嘅刺身拼盤同牛肉拼盤都相當有驚喜 😋 之後手機落單嘅食物，每次 order 完都好快送到，而且味道都唔錯，估唔到兆萬都有間咁出色嘅邊爐，下次都會再幫襯。…查看更多

大熱天時，最鍾意開冷氣打邊爐，有埋冰凍汽水同啤酒就爽上加爽😌所以放題店必然係首選！宜家去壹火鍋share 仲會加送頂級和牛拼盤、蟶子王同黑毛素肚！抵到咁，點忍得住口🤨同大型連鎖店一樣，餐點設有qr code落單同自助兩邊。自助區有特色蔬菜、麵類、丸呀、餃子、飲料同甜品。值得一提嘅係呢度竟然有室溫飲料，突然想養生都可以😂重頭戲都係肉類、海鮮😋肉類花紋鮮明、肉味香濃，視覺上同味覺上都好有質素❤️海鮮鮮甜大大件，可惜唔係樣樣可以無限添加😝刺身一般水準，襯個煲未滾醫肚係ok ge😉餐廳另設蒸海鮮鍋，下次再黎試過🙂…查看更多

又再戰兆萬壹火鍋😊平日都卡位長期爆滿原來人多既話 book檯仲可以間房 偷聽到氣氛幾正幾適🈴公司聚會🎈🍲椰子雞湯底有點熱氣但又要打邊爐🤫椰子湯底就最佳選擇 食完都唔會太燥雞肉仲可以無限追加🐔🐔🐔部分食材掃QR code落單 部分出面自取我想食嘅都有齊😊追加---鮑魚海鮮船呢個真係好抵食 人頭💰5️⃣0️⃣就有一大盤新鮮海鮮蟶子 沙白 生蠔 帶子 龍躉 珊瑚蚌 蝦仲要樣樣都mega size 😍如果係街市自己買 $50應該剩係買到啲沙白🤣真係超超超超超值🤗 一定要追加椰子湯底清清地 海鮮又夠新鮮 淥熟左可以即食 品嘗海鮮嘅甜味😋😋🍣刺身船‼️wasabi 超級有料好耐無食過咁刺激嘅wasabi 好正全部都係厚切 件件肥味 好滿足😌🥩極尚肥牛拼盤免費🆓送都咁大盤😍 仲要啲牛唔係差架喎最正就係封門柳😋 牛味最重剩係食呢幾盤都飽左😅 剩係加左少量蔬菜類 食飽就轉戰甜品雪櫃😂一口氣食左四舊朱古力方塊🤭抱住個大肚腩離開🤰🏻好豐富嘅晚餐…查看更多

同「大胃王」舊同事敘舊 去食放題 兩粒鐘 每位盛惠$209 包多款火鍋配料 肉丸🍢蔬菜🥗啤酒🍻飲品🧃甜品🍨 一應俱全 性價比相當高😍-🍣先嚟一個刺身拼盤做熱身-🐂和牛無限追加打邊爐一定要有牛肉‼️ 牛嘅多個部位都有 鍾意豐腴油脂 抑或牛味濃嘅 都會食得滿足 我嘅首選係手切封門柳🥓 淨食有牛鮮 蘸辣椒豉油 當然就更惹味😋-🥬蔬菜一份一份 有啲仲會用保鮮紙包住 衛生又易拎-🦐鮑魚海鮮船追加 每位$50連貴妃蚌/蟶子都有嘅海鮮組合 睇得出花過心思 大蝦生猛 蠔亦巨型大隻 都係新鮮靚料 鮑魚更係very good 我放喺鍋裏面好耐好耐 肉質依然幼嫩彈牙 真係無話可說啦😇…查看更多

今晚同老公去左壹火鍋食火鍋，之前都黎過，任飲任食，地點亦非常方便，價錢合理。同埋每次入座同離座，都會見到有好多人在門口等位。醬汁、火鍋配料同飲品都可在外面自取。火鍋配料分類清楚，擺放整齊，仲有雪櫃雪住，真心覺得企理乾淨。呢度用QR code落單，開始有兩種選擇。首先可揀火鍋湯底直接食火鍋，另一個選擇就可先食雞煲再加雞湯食火鍋，而我哋就揀左後者。同以往一樣，同朋友share呢張相有優惠，今次餐廳仲送多兩隻蟶子比我哋添。海大蝦麻辣雞：大蝦大隻新鮮，厚實有口感。麻辣雞調味幾好，又夠入味，都幾滑。叫左BB辣，呢個辣度已夠惹味，食完雞煲再用返呢個雞煲精華食火鍋。刺身拼盤：賣相吸引，有成十多款刺身，每款份量都有好多，味道同素質都有保證，新鮮冰凍，好好食。鮑魚海鮮船：有8款海鮮，其中活海鮮有鮑魚同海蝦，全部都好新鮮，入口帶海鮮甜味，非常滿意。頂級和牛拼盤：5款和牛，肥瘦均勻，款款牛味道都比較濃，好味，啱晒牛魔王。生菜：乾淨爽口又夠翠綠，同埋佢吸左D雞煲汁仲好食。甜品：有雪糕雪條任食，仲有我最鐘意嘅馬來西亞榴槤雪條添。…查看更多

今日同兄弟打邊爐，帶咗佢嚟呢度滾滾下，因為呢度個冬瑤卜卜蜆湯底同食物質素都超正，所以想帶佢嚟試下。蜆肉肥美大隻，冬瓜又夠入味，味道清甜帶微辣，超鍾意呢個湯底。刺身拼盤足足有十款咁多非常有誠意，每款刺身都好鮮甜而且冇腥味。每次嚟食都必定會加錢嘅一次性海鮮船依舊咁出色，每位只需加 $50 蚊就可以食到鮑魚、蜆、蝦、帶子、生蠔、龍躉、蟶子同珊瑚蚌，性價比超高。牛肉質素幾精神，可以無限添加嘅食品亦好多、墨魚滑蝦滑必叫。大部份食物都透過 QR code 落單，少部份就放咗出外面，而且仲有膠蓋冚住相當衛生。…查看更多

在旺角約了朋友吃放題，就去了一間十分人氣爆棚的火鍋店 壹火鍋  六時許入座已經坐了大半滿，十分熱鬧 可以選雞煲/雙拼湯底 看到別人的雞煲都很香，但怕吃太飽就選了雙拼湯底 刺身拼盤 超大份，勁新鮮，有多款刺身擺在冰盤上，作開胃菜一流 海鮮船 以多款新鮮又高級的海鮮整齊地擺放在冰盤上，生猛到鄰座顧客都望一望，海鮮船是單點的不是任吃，但份量都很多所以不用擔心唔夠喉 每款海鮮都很鮮味，個人更愛很少有的珊瑚蚌，爽脆口感令人上隱 和牛拼盤 超高質，油花分佈很美，吃下去陣陣牛肉香氣 雪花肥牛 十分大一盤，肥瘦勻稱，很鮮味呢 甜品都有很多雪糕雪條可以選擇  …查看更多