摩登堂 (荃灣廣場) (已結業)

今日去左荃灣食泰國菜，餐廳新開張，裝修雅緻，座位舒適。餐牌有泰式海南雞、船麵、炒飯、各款泰國街頭小食及沙律，另外仲有多款泰式甜品。湄公河雜錦濃湯船麵：食材包括腩肉、肉丸、扎肉、半隻糖心蛋、炸豬皮、豆卜、芽菜，船湯好濃郁，係泰國獨有既風味，配檬粉，最佳配搭。曼谷醉猫炒金邊粉：金邊粉集甜酸於一身，材料有大蝦、豆腐乾、蛋絲、花生碎，食泰國菜必點。飛天炒小椰菜：小椰菜係新一代既super food，細細粒卻營養豐富，加左蒜蓉及麵豉醬炒，好惹味。炭燒豬肉串：好香炭燒味，豬肉少肥，所以更加嫩滑爽口，勁邪惡。鮮芒生椰楊枝金露：每一口都充滿芒果肉、西米、柚子肉、椰子肉、鮮甜可口。爆打香水檸檬茶：鮮酸開胃既香水檸檬，濃郁芳香，清熱解渴。總結，食物好味又新鮮，出菜快，店員有禮貌，值得推薦。