影片
更多
2025-04-14
43 瀏覽
去完旅行返嚟 最想就係食中菜🥢我哋就即刻book咗去江蘇銘悅食lunch 試下共有8道菜嘅商務套餐ꕥ 前菜三小碟海哲頭以蔥油調味 配搭青瓜 清新爽口 🥒糖心蛋面頭加咗魚子醬同埋海鹽 味道層次更豐富🥚我最鍾意雙色鎮江肴肉 醎香中滲透少少清香🐷ꕥ 雲南真菌螺頭老雞燉湯 入口十分清甜嘅湯 一啲都唔油膩 加咗瑤柱/瘦肉/菇菌 螺頭軟嫩 雞肉亦好滑 入口化開🐔ꕥ 楊枝沙律海虎蝦球 好新穎嘅配搭 醬汁的確有少少芒果味 口味清新 虎蝦相當大隻 入口啖啖肉 好有滿足感🦐ꕥ 蔥燒刺參黑豚方肉 不得不先讚醬汁 濃而不膩 同三種食材都好匹配 當中刺參口感不錯有彈性 黑豚肥瘦均勻 個人更喜歡皮嘅部份🐖ꕥ 泡椒銀鱈魚片三件魚肉都厚身而且嫩滑 味道唔會好辣 反而係好惹味 令我對中式處理嘅銀鱈魚有新睇法 原來可以比日式更好味🐟ꕥ 高湯浸上海雞毛菜雞毛菜係白菜仔嘅嫩苗 口感柔嫩 味道清香 索咗湯汁同蒜香依然食到種甜味🥬ꕥ 招牌灌湯小籠包皮夠薄 可以望到入面滿滿嘅湯汁 食一隻會略嫌不夠😛ꕥ 精選甜品職員話每日甜品都唔同 當日係芋頭西米露 芋頭夠綿 口味香甜🥄
ꕥ 前菜三小碟
海哲頭以蔥油調味 配搭青瓜 清新爽口 🥒
糖心蛋面頭加咗魚子醬同埋海鹽 味道層次更豐富🥚
我最鍾意雙色鎮江肴肉 醎香中滲透少少清香🐷
ꕥ 雲南真菌螺頭老雞燉湯
入口十分清甜嘅湯 一啲都唔油膩 加咗瑤柱/瘦肉/菇菌 螺頭軟嫩 雞肉亦好滑 入口化開🐔
ꕥ 楊枝沙律海虎蝦球
好新穎嘅配搭 醬汁的確有少少芒果味 口味清新 虎蝦相當大隻 入口啖啖肉 好有滿足感🦐
ꕥ 蔥燒刺參黑豚方肉
不得不先讚醬汁 濃而不膩 同三種食材都好匹配 當中刺參口感不錯有彈性 黑豚肥瘦均勻 個人更喜歡皮嘅部份🐖
ꕥ 泡椒銀鱈魚片
三件魚肉都厚身而且嫩滑 味道唔會好辣 反而係好惹味 令我對中式處理嘅銀鱈魚有新睇法 原來可以比日式更好味🐟
ꕥ 高湯浸上海雞毛菜
雞毛菜係白菜仔嘅嫩苗 口感柔嫩 味道清香 索咗湯汁同蒜香依然食到種甜味🥬
ꕥ 招牌灌湯小籠包
皮夠薄 可以望到入面滿滿嘅湯汁 食一隻會略嫌不夠😛
ꕥ 精選甜品
職員話每日甜品都唔同 當日係芋頭西米露 芋頭夠綿 口味香甜🥄
張貼
