人和月雞煲火鍋店 (已結業)

$298精選牛肉吃到飽套餐 先選頭盤，食完再揀湯底食火鍋。頭盤方面，我地升級左 原創酥皮麻辣芝士雞煲，塊酥皮有成個煲咁大，好似巨型酥皮湯😍 隨住熱力慢慢脹大嘅酥皮，撐大到好似就爆咁🎈將佢篤穿即刻好似漏氣嘅波🥢好過癮😆 就咁食酥皮都好正，之後將酥皮撈入雞煲食都唔錯，夠曬特別~不過雞煲更好食😋雞肉同芝士呢個配搭不用多講，雞煲醬汁調得唔錯，好入味，帶點辣辣的幾惹味。夾起雞件仲有拉絲效果，芝士控表示不得了😚🧀💕食完雞煲之後揀左胡椒豬肚湯 打邊爐🍲套餐有款5牛肉任食，有牛下肩、牛板腱、牛胸爽、牛舌心、雪花肥牛，其中牛下肩同牛板腱都算高質同頗為大塊，食肉獸有福了🫣 牛胸爽比較少有，口感十足，都可再encore！除左牛之外仲有40幾款火鍋配料，都係大路野，豚肉、蝦滑、牛丸都唔錯，餃子就一般般。不得不讚呢個湯底，愈煲愈辣，到最後加埋啲菜落去更加出色！豬肚都好冧好好食😋出面仲有熟食同甜品自助區，有豆腐花😽飲品都係自助，洛神花茶、蜂蜜菊花露、桂花烏龍冷泡茶、玫瑰茉莉冷泡茶都係自家製，試左蜂蜜菊花露，清清地好岩打邊爐飲。