俺流塩らーめん (創紀之城五期(apm))

營業中

休息中

八點幾仲見到有好多人排隊，就算好肚餓，我都想排隊試吓。幸運地係截隊前，趕上了。.我同朋友兩個都叫咗俺流鹽湯拉麵：拉麵係我喜歡嘅幼身拉麵，軟硬度適中。鹽湯底亦唔會太鹹，有啲柚子襯托，份外清新。拉麵亦有適量嘅菠菜，豬肉OK..我哋追加咗明太子煎餃子，有驚喜：餃子唔同一般日本拉麵店食嘅，有少少似雲吞，佢嘅明太子醬鹹度恰到好處，一啲都唔覺得油膩。👍👍.雖然臨近收舖，店員仍然親切有禮，態度良好，值得一讚。