俺流塩らーめん (創紀之城五期(apm))

營業中

休息中

在觀塘APM逛街，肚子餓了就直奔「俺流塩」。這家拉麵店從日本涉谷來到香港，帶來一碗碗簡單卻有味道的鹽味湯底。點了招牌俺流塩拉麵，湯頭清而不淡，雞骨和豬骨熬出的香氣很自然，喝下去暖胃又舒服。麵條不算特別硬，但彈性剛好，咬下去有嚼勁，配上湯底挺搭。叉燒是薄切的那種，入口軟嫩，雖然份量不算多，但味道有融入湯汁的鹹香。旁邊的流心蛋是亮點，蛋黃濃而不膩，拌著麵吃很滿足。另外便當飯也不錯，價錢比拉麵便宜，性價比挺高的。店內環境不算寬敞，座位有點擠，但乾淨整潔，服務員態度也親切，點餐後上菜很快。整體來說，這碗拉麵沒什麼驚艷的大招，但勝在穩定，像個老朋友一樣靠得住。如果你在觀塘想吃點熱乎乎的東西，這裡是個不錯的選擇。

晚餐時間商場各食肆都多人，見呢間有食客，但仲有位可以即入就試吓。點咗兩個拉麵，其中俺流柚子拉麵上枱時是微暖的、不夠熱，個人而言感覺好差，而麵質就尚算可以，不過$83（再加一）俾咁嘅質素我，真係唔收貨。另一個俺流熟成濃湯拉麵就正常夠熱嘅，不過得一片叉燒，拉麵份量唔多，加上本身唔包玉子（想要玉子就要另外加錢）$68（再加一）得個麵同一片叉燒，配以呢個平傭質素黎講，性價比好低。員工服務態度就正常，地方尚算闊落，唔係好逼挾啦。簡單黎講就係無下次，不推薦。

凍冰冰天氣食返碗熱辣辣拉麵🍜好舒服成身暖晒🤩🤩辛辣熟成濃湯拉麵 $73湯底味濃，微辣，拉麵質地可選普通同軟我就簡左普通，亦可走青唐揚炸雞飯$49份量岩岩一個女仔份量，如果係男士就唔夠飽了。炸雞🍗塊好嫩，新鮮熱辣炸出來，勁好食，珍珠飯好滑😋🤤有三塊大大塊雞塊😍

因為坑口都有分店，試過係正常水平以上，所以係apm見到就嘗嘗（加上唔使等位）我叫左個柚子拉麵，湯唔夠熱 肉厚既但鞋口，想再加點味但枱面沒有3壺醬料🥲見某些枱是有的。另一個濃湯拉麵無麥Comment. 總結我覺得水平以下唔會再試

普通的味噌湯拉麵，個人感覺味道一般，沒驚喜也沒驚嚇。豚肉盛拉麵，湯有豆乳湯的感覺，個人覺得濃一點會更好吃些，配菜很多肉，喜歡肉的可以試下這個拉麵，半熟蛋就好好味，仲有一隻完整蛋，夠滿足。整體來說，是有點貴，不過味道可以的。

唔知係唔係因為喺大商場入面諗住自己一定有生意，所以就可以賣貴啲嘅價錢但係食物質素卻非常一般呢？以呢一個佢哋嘅招牌菜式為例，佢個名叫俺流特製撈手，要$82再加10%服務費，份量係ok 嘅，個麵條嘅軟硬度係可以自己揀嘅，我揀咗要淋啲，但係食落又唔覺得特別淋，反而覺得幾彈牙，整體嚟講都收貨嘅，不過就真係唔值九十幾蚊。呢碗辛辣熟成濃湯搵麵，盛惠$73再加10%服務費，其實都係一碗好普通嘅拉麵，但係竟然要去到八十幾蚊，似乎有少少過份。

同朋友一齊去食，食左兩碗拉麵，體驗極差，一到就趕客咁🥲一入去坐低見到枱面有兩杯水，上面放咗兩張紙巾，唔知杯水放咗幾耐😅睇Menu嘅時候就開始攞走枱面嘅調味料（聽佢哋話係舖頭嘅特色醬料）理解冇客，員工想早啲放工😔但當時先8:15，員工都積極邀請我哋入座。大概8:30嘢食到咗，食咗冇兩啖就有員工開始用漂白水拖地，令我哋覺得體驗極差，本來拉麵都唔太好食，加上漂白水味，感覺不佳😭又聽到其他員工不斷表達有客人嘅不滿，隔籬枱走嘅時候，不斷聽到員工暗串「咁突然走咗啊」、「係喎做咩走啊」，並企喺我哋隔離對話。令我同朋友坐立難安。另外，拉麵會有柚子皮，雖然有特色，但味道唔太match，相當唔協調。（朋友表示，出前一丁黑蒜油拉麵比較好食，唔推介大家試伏）

今日去開APM行街，就諗住去APM度食個lunch，途中都幾想食日本拉麵，咁啱又見到呢一間舖頭，入面嘅人又幾多，於是就入咗去試啦！入到去之後呢，我哋就嗌咗兩個拉麵，分別係:1. 墨汁魷魚豚角拉麵: 整體兩個嘅面嘅份量都好多，最後我哋係食唔晒嘅！講返湯底度啦，個湯嘅味道好淡，不過飲得出係幾鮮嘅，後尾加咗好多XO醬落去，但係都冇乜味。面嘅硬度我揀咗最硬，齋食麵嘅話係唔錯嘅，因為都幾彈牙2. 自選組合: 揀咗呢個豚肉玉子，然後豬骨湯底，整體普普通通，個湯底反而仲夠味過蜜汁魷魚豚角拉麵。所有嘅面嘅硬度同埋蔥多少都可以自己選擇，個蜜汁魷魚豚角拉麵呢我係嗌咗中間嘅份量嚟嘅！

黑蒜油熟成濃湯拉麵蒜味唔算好濃～唔鐘意太濃蒜味既觀眾可以諗諗俺流男盛拉麵湯底濃厚～拉麵揀硬度都感覺有少少淋～叉燒厚切啖啖肉口感～炸雞勁大舊～調味唔會好濃👍但炸雞放湯上枱係咩玩法🤣盛惠$2xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講無咩特別～唔難食又唔係勁好味😂炸雞放湯依個碗就難理解😅炸得咁香口但又整淋哂🥺

同屋企人食，我叫咗芝士辛辣拉麵，屋企人叫咗其他口味，因為唔係第一次食，屋企人食咗幾啖就冇哂，話細碗咗好多，而且舊叉燒以前冇咁多肥肉，而家差唔多半塊都係肥膏。我食時會加佢檯面個黑蒜蓉醬，落湯再撈開，以前用到好底都冇事。但今次食，發現high到醬嘅拉麵有啲酸味，但因為叫咗芝士，而芝士溶成一舊其實都有少少酸味，所以冇特別為意。。。點知真係個醬變壞咗！事關夜晚到半夜到第二朝，足足痾咗三次，個肚痛到往生咁，爭啲平安夜仲要入院，好在痾完第三次就冇再痛，但腸胃有排調理返

食左熟成濃湯拉麵湯底偏鹹味精味重，會好想飲水越食會越感受到鹹肉正常，唯一可以讚的位但肉真的只是正常 而已麵質非常普通不是好的拉麵朋友食了男盛拉麵亦都是感覺麵質非常普通炸雞冧曬 如果想食脆炸雞不要選這個湯底也是沒有香濃感覺濃的是味精環境幾好 員工態度也很好但麵真的沒有其他食評說到這麼好味身邊很多同事都話非常普通…..可以試一次嘅 但不值得回頭再食價錢拉麵界來說不算貴但呢個質素，可以話性價比都低除了掛日文招牌以及日式裝修營造到好似幾好味假象外想不透為何可以開到分店

觀塘APM店現場都較多位置，食過多次，lunch time較多人，如果一位都會較容易入座 。食開呢間佢地個湯底 不是一般豬骨湯底咸豉油湯底，不過不失，不過拉麵選擇都多，有濃味 淡味，辛辣，各有特色。 今日選擇食俺流柚子拉麵，叉燒不大塊，只得一塊，都好食，流心蛋好食，雖然叫抽子但不重柚子味，拉麵叫彈牙好食，可惜飲品較小，全部都係凍飲。

首次光顧亦是最後一次，約12:30到客不多不用等入座，點了柚子麵及餃子，兩樣皆是普通質素！最離譜係等了30分鐘食物還未到，問一位女職員為何未到她只“啊”了一聲便行開了，之後沒有回來交代因由！10分鐘後食物到了，問那送餐職員為何這樣？是否漏單？他才說“是,sorry!”其實根本從未輸入我的點餐，面對那位女職員可能要請番劉德華出嚟講“今時今日咁嘅服務態度點得架？”奉勸想試此店的朋友們請三思！

同朋友去APM行街 見到呢間拉麵有位就去試試✨ 檯面有柚子胡椒 黑蒜油 梅子醬 辣油等等既調味料比大家任落～ 坐位偏窄 但係都可以接受👀 但係拉麵本身質素好普通✨ 俺流柚子拉麵💲 83溏心蛋好出色！但係碗麵好大陣鹼水味 無咩柚子味🥲 叉燒正正常常✨ 黑蒜熟成濃湯拉麵💲 83好濃味 所以好快就口渴 要不斷飲水🥲

放假夜晚到到都爆晒人，咁岩見到有間日式餐廳有位就走去試下。餐廳裝飾偏向日式和風，以原木色為主，木枱木凳坐位偏窄同細。見到餐牌選擇吾多主打拉麵，我地叫左一碗叉燒拉麵同埋雞塊拉麵辛辣味。叉燒拉麵有3-4塊加溫泉蛋，雞塊有2-3舊。拉麵口感好彈牙湯底香濃，質素高可惜選擇少。飲品選擇亦吾多。