影片
更多
2022-09-21
779 瀏覽
收工嘅時候想去搵野食，呢一條街好多餐廳都好多人排隊，所以要搵嘢食都唔容易；但呢度好多都係茶餐廳、酒樓為主，西餐嘅就得一兩間，我自己比較鍾意食西班牙同意大利菜，所以就揀咗呢間食。Pasta同Risotto都有唔少類型可以選擇，價錢亦都公道；但我自己開始戒澱粉，所以就選擇食肉為主。自己喺選擇主菜嘅時候，亦都有考慮過究竟食威靈頓牛柳、還是食其他，最終我揀咗香草燴羊膝，等候時間約15分鐘，到嘅時候擺盤都非常精緻。充滿非常香濃嘅燒汁，燒汁上面亦都有蔬菜配料，再聚埋牛油味極重嘅薯蓉，羊肉肉質嫩滑，唔騷，連骨嘅筋肉位最正，呢一個作主菜係夠飽。之後我叫左一個香濃磨菇湯，一如同其他餐廳一樣，呢度嘅蘑菇湯我估計都係用攪拌機將蘑菇絞碎，加入水同埋鹽，再加入其他材料，整成呢個香濃嘅湯。差唔多最後嘅時候，我就叫咗一杯酒，我問店員，呢度邊一款就比較有特色，佢就推薦左呢杯麥提莎，飲落去嘅時候有香濃嘅朱古力味，酒味唔算太濃郁，對於啱啱放工來講，都係一個比較好嘅選擇。最後我就叫咗一個Tiramisu作為你餐飯嘅完結，我會形容呢一嚿芝士蛋糕係非常濃郁嘅芝士味，而且內裏酒心亦都非常豐富，再配埋旁邊嘅配料，包括生果、餅乾碎，
Pasta同Risotto都有唔少類型可以選擇，價錢亦都公道；但我自己開始戒澱粉，所以就選擇食肉為主。
自己喺選擇主菜嘅時候，亦都有考慮過究竟食威靈頓牛柳、還是食其他，最終我揀咗香草燴羊膝，等候時間約15分鐘，到嘅時候擺盤都非常精緻。
充滿非常香濃嘅燒汁，燒汁上面亦都有蔬菜配料，再聚埋牛油味極重嘅薯蓉，羊肉肉質嫩滑，唔騷，連骨嘅筋肉位最正，呢一個作主菜係夠飽。
之後我叫左一個香濃磨菇湯，一如同其他餐廳一樣，呢度嘅蘑菇湯我估計都係用攪拌機將蘑菇絞碎，加入水同埋鹽，再加入其他材料，整成呢個香濃嘅湯。
差唔多最後嘅時候，我就叫咗一杯酒，我問店員，呢度邊一款就比較有特色，佢就推薦左呢杯麥提莎，飲落去嘅時候有香濃嘅朱古力味，酒味唔算太濃郁，對於啱啱放工來講，都係一個比較好嘅選擇。
最後我就叫咗一個Tiramisu作為你餐飯嘅完結，我會形容呢一嚿芝士蛋糕係非常濃郁嘅芝士味，而且內裏酒心亦都非常豐富，再配埋旁邊嘅配料，包括生果、餅乾碎，連埋焦糖醬，非常豐富。
張貼
