餃掂手工餃子雲吞專門店

係中環想搵好野食唔難，要搵性價比高嘅就要花啲時間搵下！行行吓見到呢間食餃子嘅專門店，有超多餃子嘅選擇，唔係淨係得普通口味，仲有好多好創新好特別嘅選擇！食餃子前先食咗菜先，上湯松茸時蔬，菜心好甜好新鮮，好爽口！唔係好多舖頭有咁新鮮嘅菜可以食到，證明呢度食材新鮮一啲都唔馬虎！而餃子方面，龍鳳松茸雙灼餃配有狀元九鼎湯，有白松茸同黑松茸，兩款都好濃松茸味，好好食，相比起平時食嘅白菜豬肉餃韭菜餃等等，呢個口味真係好有新鮮感！壽喜燒牛肉餃子，餐牌寫住用新鮮牛肉製造，食得出冇雪藏味，味道都唔錯！不過就冇松茸餃咁有驚喜啦！最後似返枝蜂蜜檸檬薏米水，夏天飲岩曬！既解渴又解暑！仲係無添加新鮮製造，好值得推介！