반찬앤쿡 Banchan and Cook (太古城中心)

營業中

休息中

今日午飯和朋友去太古城中心Banchan and Cook吃。我們揀了兩款蛋包飯，炸雞和飲品分享。海鮮蛋包飯和烤牛肉蛋包飯都很美味，兩個飯都賣相吸引，看到都想食。金黃的蛋包住炒過的飯，切開蛋濃濃的蛋液流出，拌着炒飯吃好好食。炒飯調味適中，內有翠肉瓜，洋葱和紅蘿蔔粒，增加膳食纖維和口感。烤牛肉有肉味質感，醬汁和牛肉很夾味。海鮮蛋包飯物有所值，海鮮有大蝦，青口和帶子，都鮮甜好味，尤其是開邊大蝦極合口味。吃韓式食物炸雞不能錯過。此店的醬油蒜頭無骨炸雞都很出色。雞炸得乾身不油腻，醃雞調味咸甜適中有蒜香，啖啖肉，好吃，不用再點醬都好味。隨炸雞的年糕和炸薯條都可口。飲品選擇多。上次試過伯爵茶鮮奶咖啡好飲，今次朋友提議試新嘢。無花果梳打很清新，又不算甜。朋友好欣賞佢杯荔枝檸檬沙冰，話酸甜順喉好飲。蛋包飯和炸雞碟頭都大。细食的三個人都夠食。今餐吃得稱心滿意，尤其是朋友炒股有賺爭住請我吃飯。下次有機會再來請番佢。外賣自取有8折。