影片
更多
2017-11-07
539 瀏覽
已經有一段時間無寫過了，今次嚟到尖東試下聞名已久既富士山55，源自名古屋。食之前睇過其他人既相覺得賣相唔錯，而自己又特別鍾意食沾麵，所以無乜點掙扎已經同朋友衝咗入去。店面好細，基本上招呼到三十人已經係極限，我地星期六兩點左右去到，人唔算多，店員安排咗我地坐吧枱位置。一如其他日式拉麵店，點餐紙只係得幾款麵，menu就有圖解（題外話：我地有一位外國既朋友，一問店員亦好快拎咗英文menu，唔錯既）。我點咗辛辣沾麵（激辛），本身自己頗好辣，而日本菜裏面辣味的菜式一般嚟講都唔會去到好辣，今次算係令我有少少意外既一次，沾麵既湯呈鮮紅，面頭有一小匙魚介粉，拌勻後試咗一小啖湯，豬骨味濃，辣味都幾出，鍾意食辣既朋友會喜歡，而最重要湯既厚度算幾杰（我好怕沾麵既湯同拉麵湯一樣，變相只係湯另上🤢）。配料有基本既叉燒、筍、半熟蛋，另外仲有少見既一小角青檸，用作提鮮醒胃。而麵質我揀咗普通，但有少少偏硬，唔錯👍🏾麵條闊身，掛湯力高，食起上嚟一湯匙既湯已經可以包裹住每一條麵，呢個係一碗標準沾麵應有既水準。三扒兩撥已經食哂，因為一份沾麵只有150克，正常男士會唔夠喉，所以另外加咗個100克細既替玉（加麵）。但佢地既麵真
店面好細，基本上招呼到三十人已經係極限，我地星期六兩點左右去到，人唔算多，店員安排咗我地坐吧枱位置。一如其他日式拉麵店，點餐紙只係得幾款麵，menu就有圖解（題外話：我地有一位外國既朋友，一問店員亦好快拎咗英文menu，唔錯既）。
辛辣沾麵（激辛）
$93
29 瀏覽
0 讚好
0 留言
我點咗辛辣沾麵（激辛），本身自己頗好辣，而日本菜裏面辣味的菜式一般嚟講都唔會去到好辣，今次算係令我有少少意外既一次，沾麵既湯呈鮮紅，面頭有一小匙魚介粉，拌勻後試咗一小啖湯，豬骨味濃，辣味都幾出，鍾意食辣既朋友會喜歡，而最重要湯既厚度算幾杰（我好怕沾麵既湯同拉麵湯一樣，變相只係湯另上🤢）。配料有基本既叉燒、筍、半熟蛋，另外仲有少見既一小角青檸，用作提鮮醒胃。而麵質我揀咗普通，但有少少偏硬，唔錯👍🏾麵條闊身，掛湯力高，食起上嚟一湯匙既湯已經可以包裹住每一條麵，呢個係一碗標準沾麵應有既水準。
三扒兩撥已經食哂，因為一份沾麵只有150克，正常男士會唔夠喉，所以另外加咗個100克細既替玉（加麵）。但佢地既麵真係即叫即煮再過冷河，所以新鮮彈牙，不過會等比較耐，所以建議落單時一次過點埋。
另外值得一提既係佢地既枱會有一個嵌入式既電磁爐，用嚟俾客人加熱沾麵既湯汁，因此店家用鐵盤盛載沾麵湯汁，令成個用餐過程都享受到每一口熱辣辣既沾麵
張貼
