粗菜館

營業中

休息中

今次返樸歸真來到九龍城呢間街坊食堂「粗菜館」！門口仲掛住蔡瀾題字嘅老字號。除了高質菜式外，久違了的人情味滿滿，老板員工同樣友善親切。🥰🔥 招牌老火例湯-粉葛赤小豆煲豬骨粉葛煲到起沙，赤小豆爆開晒溶喺湯裡，上枱時仲係煲住上，熱辣辣，超好味！枱枱都必點一煲就知幾受歡迎。✨蔡瀾鹹魚醬蒸豆腐豆腐滑到好似BB塊面咁，鹹魚醬撈飯直頭正！蔡生果然冇介紹錯，呢個價錢食到咁濃味嘅手工菜，抵到爛啦～🐉 籠仔梅子蒸大鱔梅子醬酸甜度啱啱好，鱔片切到銅錢厚啖啖肉。🍖 山楂醬排骨估唔到山楂同排骨咁鬼夾！啲骨斬到骰仔咁大粒，外層掛滿琥珀色糖衣，咬落先甜後酸。🐦 秘製煀乳鴿同酒樓炸乳鴿完全兩回事！用瓦煲生煀到鴿入晒味，撕開腿位啲肉汁多到滴落枱！最正係個豉油膽，夠風味！