Sofi PASTA Co.

營業中

休息中

Item: Sofi PASTA Co.
Rating: 3
Author: Dawney

79 食評

味道

環境

服務

衛生

抵食

26112

上環

$101-200

西式 All Day Breakfast 咖啡店

Dawney

等級1

最近係網上一直見到依間手工意粉店就一於去試下係點，佢因為唔接即日booking，所以只能walk in，但聽講間舖好似會排好耐隊咪早d去排咯。去到係平日星期三既傍晚6點20幾分開始排隊，個店員行出黎問我地幾多個人食，問到我就話4個人食既，佢一聽到我話4個人就大大聲講左句 ”Oh my god!” 就走番入去間舖入面。我心諗：「咩事，使唔使咁大反應，4個人都係個好普通好正常既人數啫…」之後好在7點鐘就有檯了。雖然間舖好細間，2樓樓底又矮，其實上到2樓都有張大長檯可以坐到起碼至少8個人，唔係好明個位店員想點🙄。落單係要自己scan qrcode點既，水亦都要自己斟，但要收加一啵。由落單到食物黎度面前既時間都要差唔多20分鐘。我地點左黑松露蘑菇捲捲麵、巴馬臣芝士黃牛肉醬闊蛋麵、蒜蓉牛油炸單骨雞翼、水牛芝士蕃茄粗管通粉、經典卡邦尼煙腩肉麻花卷粉、79%特濃朱古力巴斯克蛋糕、玫瑰花茶、焦糖脆脆牛乳、蜜桃梳打、蘋果桂花梳打。食物每碟既份量份量都偏少，食得出並唔係調味料同香料現成既味道，食物味道係幾唔錯既。我自己既口味通常偏鹹，食物口味偏淡，黑松露麵好香，巴斯克蛋糕個朱古力好濃，覺得最好食既反而係d

最近係網上一直見到依間手工意粉店就一於去試下係點，佢因為唔接即日booking，所以只能walk in，但聽講間舖好似會排好耐隊咪早d去排咯。去到係平日星期三既傍晚6點20幾分開始排隊，個店員行出黎問我地幾多個人食，問到我就話4個人食既，佢一聽到我話4個人就大大聲講左句 ”Oh my god!” 就走番入去間舖入面。我心諗：「咩事，使唔使咁大反應，4個人都係個好普通好正常既人數啫…」之後好在7點鐘就有檯了。雖然間舖好細間，2樓樓底又矮，其實上到2樓都有張大長檯可以坐到起碼至少8個人，唔係好明個位店員想點🙄。落單係要自己scan qrcode點既，水亦都要自己斟，但要收加一啵。由落單到食物黎度面前既時間都要差唔多20分鐘。
我地點左黑松露蘑菇捲捲麵、巴馬臣芝士黃牛肉醬闊蛋麵、蒜蓉牛油炸單骨雞翼、水牛芝士蕃茄粗管通粉、經典卡邦尼煙腩肉麻花卷粉、79%特濃朱古力巴斯克蛋糕、玫瑰花茶、焦糖脆脆牛乳、蜜桃梳打、蘋果桂花梳打。
食物每碟既份量份量都偏少，食得出並唔係調味料同香料現成既味道，食物味道係幾唔錯既。我自己既口味通常偏鹹，食物口味偏淡，黑松露麵好香，巴斯克蛋糕個朱古力好濃，覺得最好食既反而係d蒜蓉牛油雞翼。
其實係得上環食野都預左唔平，份量又唔多，都幾岩d細食既人黎打卡，不過想食平d食飽d既話都大有人在。依間舖對我黎講都係試過一次就夠，排隊時間、食物同服務都唔成正比，唔會再去。