Sofi PASTA Co.

營業中

休息中

早前老婆試過這間，說水準相當不錯，打算一齊再來試試；可惜每次也因某些事而耽誤，之後見好友也食過及讚口不絕，所以決定把這裏再次提上日程。😬上星期六一早到來取位，但因店舖還未開門，所以便坐在門外等待；開門時便可以第一個進入，也順便可以影張未有客人的場境。🤭蒜蓉牛油炸單骨雞翼～外皮黏上薄薄的一層脆漿，雞肉嫩滑可口，採用單骨雞翼，食落就更加方便了。😋手打龍蝦汁闊蛋麵伴香煎北海道帶子～帶子外層微微煎香，中間還保留適當生熟度，闊條麵食落煙靱爽彈有咬口，配上香濃的龍蝦汁更覺惹味。👍🏻開心果巴斯克蛋糕～一件蛋糕有兩種質感，一邊係軟滑綿密的芝士蛋糕，另一邊係香滑帶有濃郁開心果香味的軟糕，不但好吃，也豐富味蕾。😋兩杯美式咖啡，也算不錯；離開時已坐滿人客，原來店外已有幾位客人在排隊，認真利害；如想來一試，最好預留時間排隊或者剛開門時到達！🤔#麻麻辣辣虎蝦飲管粉 $128#手打龍蝦汁闊蛋麵伴香煎北海道帶子 $168#蒜蓉牛油炸單骨雞翼 $69#開心果巴斯克蛋糕 $68#美式咖啡 $34#Sofi_PASTA_Co.(香港)地址: 香港上環文咸東街6號地舖電話: +852 69756763

最近人氣大熱的手工意粉店Sofi評價好壞參半，碰巧三月之星的好友也有興趣，一於去試試看( •̀∀•́ )✧早收工的鳥兒有蟲吃，星期一17:35到達排第三組，準時開門便可以入座！店員稱由於當日預約較滿(原來晚餐可預約‼️)，所以要選樓下雅座/樓上搭枱，我們就揀了坐樓下..🌟麻麻辣辣虎蝦飲管粉(真係幾辣㗎!) $128原本想避開負皮的麻辣蝦意粉，不過壽星想試，當然壽星話事🙂‍↕️兩隻中型的虎蝦肉質結實彈牙，味道鮮甜；通管粉煙韌有咬口，仔細研究確實是有個小小的洞，不過與辣油未算很夾.. 麻辣辣中帶甜，對於食開譚仔小辣既我就覺得惹味但不算辣，而且吃到有海鮮香🫶🏻⭐️黑松露蘑菇捲捲麵 $158黑松露醬的味道正常，是可以想像的味道，也不是太heavy的那一種。熱潮的捲捲粉厚實掛汁，美中不足不是彈牙派；每一啖都吃到juicy的蘑菇塊，是穩陣之選！相比之下，個人覺得麻麻辣辣的味道較有特色|ू•ω•)🌟開心果巴斯克蛋糕 $68感謝店員幫忙寫字和點蠟燭，拍照很漂亮呢！巴斯克蛋糕上層的開心果忌廉很順滑，半軟心的下層吃到淡淡開心果味和濃郁的芝士香，旁邊還有鮮忌廉和開心果仁碎，整體不會太甜ჱ̒⸝⸝•̀֊•́⸝⸝)難怪被喻為被甜品

假日中午到了上環的Sofi Pasta Co吃午餐。我們大約11點到達，雖然望午餐還有段時間，但發覺餐廳都挺多人，等了一會侍應就帶我們上2樓。餐廳裝修以木系為主，挺有格調。座位方面都算多，但要小心樓底較低，有機會會撞親頭。.餐廳提供多款種類的意粉、甜品和咖啡，選擇都幾豐富。.▫️ 經典卡邦尼煙腩肉麻花卷粉 $138餐廳人氣意粉之一，麻花卷粉咬落有口感和彈牙，而且因為中空的關係，入面夾雜著濃濃蛋味的醬汁，挺美味。而煙肉經煙燻過，肉質軟嫩，肥瘦均衡。.▫️巴馬臣芝士和牛醬闊蛋麵 $148面頭滲上大量的巴馬臣芝士，而和牛醬汁味道濃稠，配上掛汁的闊蛋麵，味道不錯！▫️Dirty $42濃縮咖啡再加上凍鮮奶，每一啖都可以喝到不同層次的味道。.▫️Hot Mocha $40朱古力味道較濃的mocha，不錯。.▫️79%特濃朱古力巴斯克蛋糕 $78朱古力味道十分濃厚，口感幼滑，有點想不到餐廳的巴斯克蛋糕這麼出色！.如果喜歡我的飲食記錄，記得按個𝗹𝗶𝗸𝗲及𝗙𝗼𝗹𝗹𝗼𝘄我fibee_food

近幾個月話題性都很高的上環手工意粉店 sᴏғɪ ᴘᴀsᴛᴀ最近趁餐廳出新品 抓個時間去嚐看看了餐廳共兩層 活潑明亮風的地面層設少數座位二樓深木色用餐環境配幽暗燈光相當具氛圍( 但到處都有很矮的橫樑 小心撞頭 ~ ) 餐點無論手工意粉跟甜品討論度都很熱烈看過有人讚賞 也有人失望 隨著團隊推出新餐點 會不會吸引大家再訪 ?𓋪 黑松露蘑菇捲捲麵捨棄人氣卡邦尼麻花卷粉 新品捲捲麵也蠻驚艷松露香氣滿滿 賣相有點像撈公仔麵質感不會很硬 彎彎麵條掛汁一流 𓋪 蒜蓉牛油炸單骨雞翼懶人 (我) 必選的單骨雞翼惹味的炸粉包裹著雞翼 酥脆帶惹味𓋪 開心果巴斯克蛋糕聽說甜品們也相當高質光是賣相已經感受到蛋糕的幼滑輕盈開心果忌廉跟 ᴄʀᴇᴀᴍʏ 蛋糕層次分明味道也是妥妥的濃郁除了巴斯克 布甸跟心太軟也是人氣之選𓋪 桂花拿鐵𓋪 開心果白玉燕麥奶飲品種類也很多除了有少見的清香桂花拿鐵還有賣相 層次 都很豐富的開心果燕麥奶那 ǫ 彈煙軔的白玉小糰子超加分 大愛午餐時間不設訂座 用餐時間 𝟿𝟶 ᴍɪɴs人氣未見減退 周末建議開門時間左右到訪我們是 𝟷𝟷𝟶𝟶 到訪 𝟷𝟷𝟹𝟶 就開始滿座了當天也沒有出現候餐時間很長的情況整

呢間討論度極高嘅人氣意粉咖啡店晚市排晒長龍，主菜餐牌選擇唔多，意粉等咗40分鐘 + 飲品等咗20分鐘先上😰 ❛ 經典卡邦尼煙腩肉麻花卷粉 classic carbonara casareccia ($138)卡邦尼係唔用忌廉嘅傳統做法，麻花卷粉掛汁，醬汁夠稠但係味道唔夠濃煙腩肉鋪喺面頭賣相精緻，但係成碟上菜嘅時候都唔夠熱😵❛ 白酒蒜片欖油大蜆意粉 spaghetti alle vongole ($138)意粉煮得恰到好處，唔會太油唔會太乾身，蜆肉鮮嫩多汁，意粉蒜味香同埋有微辣❛ 草莓巴斯克蛋糕 strawberry basque burnt cheesecake ($62)巴斯克主體比一般軟身個人覺得唔夠厚實，食落軟滑入面有啲草莓顆粒唔會太甜，上面有一層草莓忌廉❛ 抹茶鮮奶 iced matcha latte ($45)❛ 蘋果桂花梳打 apple osmanthus soda ($46)—ʜᴋᴅ $150-250 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? no𝙤𝙫𝙚𝙧𝙖𝙡𝙡: 7/10—📍 Sofi PASTA Co. 上環文咸東街6號地舖

去年 11 月開業的 Sofi PASTA Co. 是不折不扣的城中排隊熱店，每次經過都能看見長長的人龍，餐廳提供多款新鮮手工意粉，包括近期大熱嘅 Bucati 捲捲麵、經典嘅 Fettuccine 闊條麵甚至坊間少見的 Casareccia 麻花粉，整體選擇不算多但各有特色。當天的 社交平台Story 收穫一堆朋友回覆，看來大家都很感興趣 😆 聽說網上評價很兩極，我來分享一下誠實食後感！- What we had -⋄ Deep-fried Oyster｜$69⋄ Spicy Prawns Bucatini｜$128⋄ Classic Carbonara Casareccia｜$138⋄ French Toast｜$118⋄ Iced Pistachio Latte｜$58⋄ Osmanthus Latte $44前菜的蠔炸得很好，酥脆麵衣包住多汁蠔肉，一口咬下海洋味在口腔爆開，相信附上的他他醬是自家製，洋蔥味偏濃但很解膩 🦪Bucatini 飲管意粉口感出色，富彈性之餘保留小麥香氣，新鮮虎蝦鮮甜彈牙，搭配三款辣醬調製成的香濃醬汁令人回味 😋 注意辣度不低，大約是譚仔小辣，未必人人接

Sofi PASTA Co hits the right notes for a casual pasta night with a touch of finesse. The space upstairs carries a cozy, no-fuss vibe — the kind of place you’d want to linger over a comforting bowl of pasta while catching up with friends. Expect a bit of a wait (around 30 minutes during peak hours), so it’s best to book ahead unless you’re in the mood to queue.We kicked things off with the Deep-Fried Oyster with Tartar Sauce, which set the tone nicely. Crispy on the outside, fresh and plump on th

上環有間人氣手工意粉，聽講每晚要排隊先食到，今次天未黑就去到餐廳，二樓位置都已經好多人。🧀 經典卡邦尼煙腩肉麻花卷粉 $138只有三塊煙腩肉感覺有啲少，好彩腩肉夠香厚，配埋濃郁醬汁，整體唔錯。🌶️ 麻麻辣辣虎蝦飲管粉 $128感覺個醬汁好似用辣椒油做base咁，意粉有咬口得來又掛汁力強，所以食落真係好辣！而兩粒大蝦口感都爽彈。🍗 蘇菲炸雞翼 $58調味唔算濃烈，但肉質嫩滑Juicy。🍫 79%特濃朱古力巴斯克蛋糕 $78上枱有啲詫異咁細件！Moses 佔咗九成，味道有啲奇怪，唔係朱古力嘅甜但又唔似黑朱古力嘅苦澀。🍋 檸檬雪葩湯力咖啡 $50 推薦試飲。🍎 蘋果桂花梳打 $46 口感清甜。餐廳價錢定位有點進取，空間感亦有啲壓迫；食完之後係無預期值咁高。🍝 Sofi PASTA Co.上環文咸東街6號地舖

星期六假期早上11點就去到店，當時店內情況大概只有三枱，接近12點，店內已經坐滿點左麻麻辣辣虎蝦意粉&卡邦尼意粉&檸檬紅茶心太軟好好食🤧麻辣口味嗰個意粉好有驚喜卡邦尼嗰款好傳統形式嘅卡邦尼做法👍🏻👍🏻不過意粉嘅份量的確真係好少，食完其實唔係咁飽肚除咗意粉好食，重點推介一下檸檬紅茶心太軟好香好香好香紅茶味🫶🏻必點價錢略貴不過出面食嘅心太軟都唔平😂😂另外咖啡☕️唔太特別😆😆

上個月尾想同老公嚟呢間人氣食店，可惜嚟到排隊嘅情況實在係太誇張。所以最後都係決定book咗先至再嚟。半個月後嘅今日，終於到我嚟食啦！一路見到網上熱烈討論嘅黑松露蘑菇🍄‍🟫捲捲麵！可能我對佢嘅期待太高太高，所以食落冇想像中咁高水平。不過，捲捲麵嘅口感十分之特別，黑松露醬亦都好香，最鍾意就係佢嘅蘑菇唔會切得太細同埋太薄，令到成個dish嘅texture有唔同嘅層次。呢個巴馬臣芝士和牛肉醬闊蛋麵，反而令我好驚喜！食得出手工麵入面嘅蛋味，好香濃。和牛肉醬配上蛋麵非常掛汁。而今日嘅VIP我會話係呢碟蒜蓉牛油炸單骨雞翼，牛油同埋蒜蓉嘅味道balance得好好。炸粉唔會太厚又有足夠嘅醬汁掛喺上面！好味😋最後就係開心果巴斯克蛋糕！近期開心果味都係人氣熱賣，而呢個巴斯克蛋糕非常之滑，配上開心果醬，提供兩種口感，亦可以配旁邊嘅忌廉、開心果碎、餅碎加埋一齊食。唯獨餐廳2樓嘅位置冷氣不足，如果呢個可以改善埋嘅話。就真係太好了。總結，都幾推薦大家嚟你間餐廳。

🍴平日午餐 Lunch （11:30-14:45） $128 另收加一前菜＋餐湯＋主菜+飲品🍴可能會有驚喜的開胃前菜好味好爽口，好有昆布味海大好多，有八爪魚彈牙。都好清爽。🍴一碗好喝的餐湯南瓜忌廉湯係好清甜，食得出好濃郁，打溶咗嘅南瓜，好香嘅忌廉味！🍴麻麻辣辣虎蝦飲管粉吸管粉好煙靭，好有口感感中間係通窿嘅，嫲嫲辣辣，有少少溶咗蕃茄做底都幾好食，隻蝦超大隻，彈牙有蝦味。🍴黑松露蘑菇捲捲麵 +$30卷卷粉好煙靭，份量超級多，食落去好香濃嘅松露味有少少蘑菇都唔錯嘅不過係比較油！🍴開心果巴斯克蛋糕 $68巴斯克蛋糕都比想像中大件，個cream超級濃開心果味，奶味重，芝士蛋糕好軟滑有香濃芝士香味，亦都有少少心好軟滑，☕️Latte $20超級濃咖啡深度烘焙，好大杯，咖啡味好出，比較偏苦！推薦指數: 8/10平日12點前去到唔使排，11:30先有意粉供應，1點幾食完有8個人排緊，建議早啲去食，真心好食，可以一食🤤

見社交平台啲ads sell到爆，冇幫手推，冇followers，純honest review，我都係俾佢😋我地食第一輪，大概5.45到，已經見有兩枱walk-in客坐咗係度，唔洗點等就直人餐廳。佢地大概預留樓下8個位俾walk-in，樓上多數俾book咗嘅，所以walk-in都要早，唔係要等成個鐘 🫨。原本我地先安排坐張一人圓枱，後來隔離有個人食完埋單，個侍應哥哥都好好咁拼埋兩張枱，俾我地坐得舒服啲 😊見網評話啲人walk-in，等好耐，最後得個🍊 我見其實算有系統，個侍應哥哥時不時check隊，有walk-in，又有no show waiting隊，算係咁，而間舖又真係唔算大。至於出餐，係嘅，我地都等咗半個鍾先上第一個pasta，十零分鐘先第二個，啲cake就快上，所以食main係要少少耐性，不過都限90分鐘用餐，60分鐘last order，整體清楚，好趕好肚餓就未必適合。食物質素係好，蛋面，粗管，朱古力basque，奶蓋茶basque都好好食，朱古力cake尤其出色，pasta啲sauce好多料，所以話佢地portion細又好似。。。。。除非你真係好大食 🤔 價錢唔算太平，不過

靠著微亮的燈箱及長長人龍，遠遠便能辨認出 𝐒𝐨𝐟𝐢 𝐏𝐀𝐒𝐓𝐀 𝐂𝐨. 的位置。幸好這次有先預約7:30pm的場次，否則不知道要等多久🥺因為這間pasta最近人氣真的太高了，walk-in人龍超長的！跟樓下溫馨的感覺不同，二樓像是復古的酒吧，燈光昏暗有情調，約會氣氛100分！每張餐桌上都有一盞吊燈，暖光像spotlight一樣替餐點打燈，怎麼拍都很有氛圍感～美中不足的是餐廳8pm就last order，9pm就關門了，吃得有一點點匆忙🤏🏻但由於主食到甜品都很好吃，所以不減雅興！🍝 𝐌𝐞𝐥𝐭𝐢𝐧𝐠 𝐃𝐚𝐭𝐞𝐬 𝐌𝐞𝐧𝐮 —— ᴘɪꜱᴛᴀᴄʜɪᴏ ʙᴜʀɴᴛ ʙᴀꜱqᴜᴇ ᴄʜᴇᴇꜱᴇᴄᴀᴋᴇ 開心果巴斯克蛋糕 ▸今次的highlight絕對是這碟蛋糕！吃過很多遍同類型的蛋糕，口感大致相同，但這次卻有被驚豔到！蛋糕上層是綿密香濃的開心果醬，下層是質感幼滑的巴斯克芝士蛋糕，層次分明，且開心果味超香濃！！ᴄʟᴀꜱꜱɪᴄ ᴄᴀʀʙᴏɴᴀʀᴀ ᴄᴀꜱᴀʀᴇᴄᴄɪᴀ 經典卡邦尼煙腩肉麻花卷粉 ▸由店員棒餐過來已經聞到濃濃的芝士香氣！圓桶形麻花卷剛好可以鎖住濃稠的卡邦尼醬汁，腩肉經炙燒後散發香口煙燻味

整體餐廳氛圍偏暗，2樓底較矮，送餐速度正常，份量整體較少，食完個麵都唔夠飽，價錢都偏貴1. 黑松露蘑菇捲捲麵味道: 8/10 ⭐️性價比: 6/10推薦: 8/10 ⭐️黑松露味重，有粒粒蘑菇，麵新鮮即煮好煙靭，熟度剛剛好，每條麵都吸滿醬汁，但略嫌份量偏小2. 手打龍蝦汁闊蛋麵伴香煎北海道帶子味道: 7/10性價比: 6/10推薦: 7/10龍蝦汁好香味道都重，面煮得好好，唔會太霖或者太硬，煙韌口感，但帶子煎得唔夠香，味道普通，價錢上小貴

最近係網上一直見到依間手工意粉店就一於去試下係點，佢因為唔接即日booking，所以只能walk in，但聽講間舖好似會排好耐隊咪早d去排咯。去到係平日星期三既傍晚6點20幾分開始排隊，個店員行出黎問我地幾多個人食，問到我就話4個人食既，佢一聽到我話4個人就大大聲講左句 ”Oh my god!” 就走番入去間舖入面。我心諗：「咩事，使唔使咁大反應，4個人都係個好普通好正常既人數啫…」之後好在7點鐘就有檯了。雖然間舖好細間，2樓樓底又矮，其實上到2樓都有張大長檯可以坐到起碼至少8個人，唔係好明個位店員想點🙄。落單係要自己scan qrcode點既，水亦都要自己斟，但要收加一啵。由落單到食物黎度面前既時間都要差唔多20分鐘。我地點左黑松露蘑菇捲捲麵、巴馬臣芝士黃牛肉醬闊蛋麵、蒜蓉牛油炸單骨雞翼、水牛芝士蕃茄粗管通粉、經典卡邦尼煙腩肉麻花卷粉、79%特濃朱古力巴斯克蛋糕、玫瑰花茶、焦糖脆脆牛乳、蜜桃梳打、蘋果桂花梳打。食物每碟既份量份量都偏少，食得出並唔係調味料同香料現成既味道，食物味道係幾唔錯既。我自己既口味通常偏鹹，食物口味偏淡，黑松露麵好香，巴斯克蛋糕個朱古力好濃，覺得最好食既反而係d