山見台式火鍋 (雅蘭中心)

營業中

休息中

山見台式火鍋食到捧腹而回🤣鴛鴦湯底，呢個古早藥膳排骨湯底簡直係神級，湯頭濃郁得似飲緊肉骨茶，排骨肉嫩入味，香到舔碗都想試🥄！另一邊嘅湯底比較清淡，配牛肉一流再點醬汁，絕配。牛肉選擇多到，最緊要係質素高，牛爽腩係和牛質素，牛味濃郁，肉質嫩滑，入口即化，散叫一定貴到飛起，喺放題真心抵食🥩！今季主題係澎湖遊，環境有台灣海島feel，服務貼心，食材新鮮，性價比高，台灣美食任食係亮點，黑松露糖心蛋🥚尤其出色，蛋黃流心，帶點黑松露嘅濃香，食一粒即刻想encore！仲有好多台式小食，滷肉飯、鹽酥雞樣樣有，款款都正宗到爆，食得出台灣街頭嘅風味🏮。甜品環節仲有雪糕同甜品任揀，呢個榴連雪條超好食🍦。