JUST'er Bar & Restaurant

營業中

休息中

實在太誇張。老實講，叫嗰陣我都唔係好知係乜😅，因為個名叫”門西淋牛豬仁雞vs蝦兵蟹將”…..好似咩都有咁。一嚟到，明晒。一大個木盤，放上一大隻燒龍蝦、差唔多半條嘅豬仔骨、半隻半熟春雞、炸軟殼蟹、大量薯條同少量沙律…呢個拼盤，實在太誇張太豐富，原來都只係四百幾。龍蝦明顯燒過，多肉多膏。豬仔骨嘅醬非常惹味，係今晚MVP。春雞最厲害嘅地方係連雞胸都唔鞋口。其實食咁多有骨嘅嘢都幾澩嫪，好在店員貼心幫我哋換碟。我哋仲叫咗個小食，喺煙三文魚配牛油果酸青瓜。清爽得來好有質感，味道豐富，個醬有啲酸酸地Spice味，好夾，店員話係自己調配嘅。最後當然要提兩杯嘢飲，因為實在太靚，又好飲。佢哋分別係”真士多啤梨奶昔”同”菠蘿熱情果沙冰”。飲飲下都覺得幾大杯，以一餐嚟講係夠飲嘅。食呢餐真係要有心理準備係會食晒海陸空，餐廳仍然將每一樣嘢食做得好，幾難得。但喺呢度食最好book定位，我哋坐坐吓都滿晒人了。