六記

營業中

休息中

人地話青衣係美食沙漠，我就覺得青衣其實都有好多唔錯既餐廳可供選擇，就好似呢間位於村屋中既餐廳甘，除左有各款小菜仲有雞煲打邊爐。每次黎呢間餐廳，我一定會點招牌雞煲同金沙鮮魷。🔔有多款小菜、雞煲打邊爐供選擇。🔔金沙鮮魷：一上枱已經聞到陣陣鹹蛋黃嘅香味，魷魚內嫩外脆，令人食唔停口。🔔鐵板啫啫通菜：菜好爽脆，好足料，食到底見到有好多肉碎。🔔招牌雞煲：雞肉滑嫩唔柴，最重要係個醬好香，又辣又麻，食完加湯打邊爐，個湯底仲係好香濃。🔔豉汁蒸大鱔：用已攪碎既豆豉黎蒸令魚肉更易吸收到香味，魚肉鮮甜彈牙冇腥味。