咖吔

營業中

休息中

呢間試過幾次，環境好，坐得舒服職員又友善，放咗工諗唔到食咩又再嚟呢間。上次食過$288的 2人套餐唔錯，今次老公想試哂佢2道招牌菜，海南雞飯同喇沙米線就叫咗個雙拼。海南雞飯拼喇沙米線雞用份量唔少，好鮮嫩爽滑，大大碗雞油飯， 油香十足又唔會太油膩，配有3款醬選擇，甜豉油薑蔥和酸辣醬，我特別鐘意酸辣醬好開胃，好出色。仲有碗迷你喇沙，好足料，有魚片，蝦，豆卜和雞蛋，抵食又豐富，性價比高。新加坡喇沙米線迷你喇沙我唔夠喉就叫咗成碗。我一向鐘意食喇沙，聞到湯底的椰奶味道已經好吸引，配菜同樣有魚蛋，蝦仁，溏心蛋同埋豆卜，通菜，芽菜好多料，湯都飲咗大半碗，微辣唔鹹。而佢嘅米線幾彈牙，招牌菜果然冇令人失望。老城公雞冰似珍多冰加上芋圓，雲尼拿雪糕，椰汁味香濃，以甜品作結，完滿😆。