越男仔

營業中

休息中

旺角廣華街出名多嘢食，今晚就去咗有三間分店嘅越男仔試吓！大約七點到旺角分店，已經有幾枱食客。店鋪雖小，但選擇極多！主食、小食都有好多選擇。大部分都可以揀配套餐。而飲品除咗一般越式餐廳有嘅拉茶同越式冰之外，仲有新鮮自家煲系列。今晚叫咗必食嘅招牌去骨海南雞配黃薑飯同用半價優惠試埋法式芝心蝦多士。多士份量大，外層鋪滿芝麻，炸到金黃香脆，夾住厚厚嘅蝦肉同芝士，半溶嘅芝士真係非常「芝味」。海南雞飯，雞肉嫩滑，雞皮又唔會太多肥膏，配埋帶椰香味薑黃飯，認真滋味！半價飲埋杯咸檸七，消暑！去開旺角想食越南嘢，不妨試試！