貓之眼

營業中

休息中

就咁睇幅相應該都好多人認到佢係貓之眼👁次次想去食都見到大排長龍於是就放棄左。今次12點幾去到，前面都已經有六七個人排緊，對比起平時黎到既時間，已經算少人🙈最後排左十幾二十分鐘。佢呢度既蛋包飯真係幾高質🤩會想再黎試配其他醬汁同埋佢地既和牛漢堡。但係真係排隊排得太誇張😧如果間鋪頭大啲可以唔洗排咁耐隊就好了。1⃣️招牌三色蛋包飯（$82） 醬汁揀左咖喱豬肉同埋濃茄牛肉。呢度寫住佢地既咖喱係用左35種香料、天然蜜糖同埋甜蔥煮成既，食落係甜甜地既日式咖喱，有少少辣味，味道好香濃，入面既豬肉片都唔少，加埋啲煮到淋曬既蘿蔔粒食，送飯一流。另外濃茄牛肉個汁就用左啲蕃茄、洋蔥、紅蘿蔔煮成，味道真係好濃，偏甜🍅牛筋肉大大舊，牛味夠，而且煮得夠淋😋呢兩款醬汁都好好味。  另外蛋包飯個蛋真係食到蛋味，蛋味都幾香，而且食落口一啲都唔鞋口，呢間蛋包飯真係由個蛋到個醬汁所有野都好唔錯🤤明佢點解成日要排隊。