影片
更多
2022-08-14
585 瀏覽
原先六月嘅慶生飯拖到而家😝又要就呢個就果個，跟住又接連有人中招，結果都係未齊晒人。都冇辦法照食左先，橫掂下個月會再食。其實都係象徵式名義上慶生飯，其實都係一個藉口一家人出嚟食餐飯姐。選址由壽星女決定，其實都唔係就佢想食乜嘢，都係就老人家姐。一路都以為地點近觀塘地鐵站原來係近牛頭角站多啲，不過話晒都係工廠區完全冇諗到呢度會有一間食潮州嘢重點係質素都唔算差性價比相當高一行八個人，就嚟九個啦🤫🤫響等齊人之際小姨甥仔好似好肚餓咁，所以食住前菜先，我推夾咗啲花生食點知食完之後佢話唔好食（因為唔係佢食開嗰啲脆卜卜花生🥰😅笑死大家，到其他家庭成員到，佢叫人哋食花生話因為佢唔鍾意食，再次引到大家哈哈大笑😂）我哋呢個家庭大部份主張寧願嗌多唔好唔夠飽，由細佬發板先嗌咗九樣嘢，嗌到個侍應都覺得要停一停😨可能驚我哋食唔晒啦！我覺得呢個行為幾好喎又，唔好做大嘥鬼呀嘛！雖然結果我哋之後再嗌多咗兩樣嘢🫣人哋心諗你哋班死餓鬼。😝先來菠蘿咕嚕肉（壽星女話去到邊都要嗌嘅咕嚕肉🤪）、滷水鵝片、普寧豆腐、啫啫芥蘭、上湯菜心、炸蠔餅、豆乳雞同炸蝦蟹棗。咕嚕肉不過不失啦，滷水鵝片略嫌太薄身，普寧豆腐都係一般嘅菜式，當然蔬菜類亦都
一路都以為地點近觀塘地鐵站原來係近牛頭角站多啲，不過話晒都係工廠區完全冇諗到呢度會有一間食潮州嘢重點係質素都唔算差性價比相當高
一行八個人，就嚟九個啦🤫🤫
響等齊人之際小姨甥仔好似好肚餓咁，所以食住前菜先，我推夾咗啲花生食點知食完之後佢話唔好食（因為唔係佢食開嗰啲脆卜卜花生🥰😅笑死大家，到其他家庭成員到，佢叫人哋食花生話因為佢唔鍾意食，再次引到大家哈哈大笑😂）
我哋呢個家庭大部份主張寧願嗌多唔好唔夠飽，由細佬發板先嗌咗九樣嘢，嗌到個侍應都覺得要停一停😨可能驚我哋食唔晒啦！我覺得呢個行為幾好喎又，唔好做大嘥鬼呀嘛！雖然結果我哋之後再嗌多咗兩樣嘢🫣人哋心諗你哋班死餓鬼。😝
先來菠蘿咕嚕肉（壽星女話去到邊都要嗌嘅咕嚕肉🤪）、滷水鵝片、普寧豆腐、啫啫芥蘭、上湯菜心、炸蠔餅、豆乳雞同炸蝦蟹棗。
咕嚕肉不過不失啦，滷水鵝片略嫌太薄身，普寧豆腐都係一般嘅菜式，當然蔬菜類亦都係唔會超級高水準啦。
想講講個炸蠔餅，落單嘅時候侍應問我哋要煎定係要炸，佢哋話好難揀，結果揀咗炸。雖然食物嘅質素大家都讚口不絕，啲🦪都夠足料，而且同出面食嘅有一啲唔同，真係有糯糯嘅感覺應該係木薯粉啦！不過下次可以試吓煎嘅效果應該冇咁熱氣添
豆乳雞就係為咗屋企人裏面有兩個「好」雞之人而叫嘅～一般般啦都係，不過其中一個攞啲汁黎撈左兩大碗飯囉😜
炸蝦蟹棗每樣四粒，大家二選一，我就揀咗🦀️，因為好似少啲機會食到，更何況我本人對crab cake情有獨鍾🥰所以我覺得幾好味，但係有人話另一間上環高檔啲嘅仲好味啲🤔
基本上我都7788，臨尾仲要加多一個煎兩面黃同埋甜品反沙芋。呢啲傳統潮州手工菜點都要試吓喎！係出色嘅不過反沙芋實在太甜啦！
的而且確侍應相當有禮貌，響我入座嘅途中佢好細心咁提我地下有啲線凸起咗叫我小心啲行，又會善意提醒你嗌嘅份量！👍🏻
埋單八個人大概$1400 除開平均$200一位都唔使，係唔係物超所值呢😍
掛住食好多都冇影相📸️，淨係影咗啲比較普通嘅菜式🤪自己親身去試吓啦。
上湯菜心
12 瀏覽
0 讚好
0 留言
啫啫芥蘭煲/普寧豆腐
11 瀏覽
0 讚好
0 留言
滷水鵝片
14 瀏覽
0 讚好
0 留言
張貼
