龍亭

早幾日同友人出開佐敦😌佢突然話想食鐵板燒😩上網搵到間”龍亭”就係正我地隔兩條街😂嘅然咁近就去試一試喇😏見除左散叫，仲有幾個套餐揀，以鐵板燒嚟計價錢又唔算貴喎☺️我地就揀左五道菜嘅”入門廚師發辦套餐”👍🏻“黑醋沙律”好快就有得食🤤個黑醋酸酸地夠晒醒胃👍🏻“澳洲牛柳粒”伴碟其實好有心思、有Wasabi、炸蒜片、黑蒜鹽同埋櫻桃蘿蔔俾你配搭不同口感☺️我嘅牛柳叫咗3成熟，師父煎得剛剛好，軟腍到有入口即化嘅口感、依樣抵讚👍🏻👍🏻👍🏻“鐵板海鮮”揀左鮑魚同白鱔🤤鮑魚好新鮮，再用埋自家製嘅蒜蓉煎過，蒜蓉味特別出🤤🤤白鱔算厚身，煎得都夠香脆，配埋伴碟嘅七味粉同竹炭鹽味道仲正👍🏻👍🏻“鵝肝多士”鵝肝肥美，配上有層手打檸檬忌廉係上邊嘅多士嚟食、口感更有層次👏🏻👏🏻“鐵板炒飯”炒飯炒得粒粒分明，仲有大大隻蝦係上邊😆如果飯再乾身D仲正😌“豆腐雪糕配馬蹄爆珠”豆腐味好濃👍🏻最正係有馬蹄爆珠配襯，配搭得非常出色😱好有驚喜👍🏻👍🏻👍🏻龍亭整體水準唔錯，價格大眾化，鐵板燒嚟講CP值夠晒高😊有時間會再嚟一試👌🏻