古今二 (荃灣千色匯I) (已結業)

本身一路都有食開觀塘古今二，今次到荃灣諗住招待屋企人，諗住試下，點知跌曬眼鏡，差啲令到屋企人以後都唔再想食日本嘢。首先當係市道唔好，啲最招牌嘅卷物細到不得了已經算喇。仲要嗌咗個明明係唔使煮、只係擺啲生菜生肉上去嘅火鍋，已經係餐廳坐唔滿、夜晚八點幾九點嘅情況下，都等咗成45分鐘先出到餐，其他啲串燒都等咗差唔多咁耐時間。最後最唔明嘅竟然係等咗一個鐘先上菜嘅海膽炒飯，冇海膽味不在話下，炒飯嘅質素仲差過去飲最後嗰個炒飯，就連街邊求其一個茶餐廳$30嘅炒飯都好食過佢呢個$138嘅十倍。如果觀塘總店嘅老闆睇到，麻煩你關註一下，再咁做落去，真係會做差自己個brand 。