UFUFU CAFE (荃灣廣場)

營業中

休息中

餐廳新開裝，用上木系裝飾，計設悠閒。座位之間夠闊落。我同朋友係抹茶控，一心想試下佢地的抹茶產品。我地點了明太子帆立貝忌廉意粉意粉Al dente,有嚼勁。明太子醬汁夠清爽，非常鮮味，又帶少許辣，不會太膩。帆立貝煎香後，食落新鮮彈牙，絕不欺場。冰牛乳八女抹茶呢杯抹茶暫時是我飲過數一數二，完全看得出店家的專業和認真制作。上層超綿密和柔滑的奶泡，混合下層的抹茶，凍飲飲落去都好順滑。抹茶味香濃，十分滿意。八女抹茶多士呢個甜品我同朋友都覺得好驚豔。上枱時很吸睛，就像一個京都的園景。抹茶雪糕的抹茶味味濃，但又不苦。雪糕很柔滑，每一口都是享受。但最令我地意想不到的是這個法式西多士，多士外層用蛋煎過，充滿蛋香味。內裡食落去是超級鬆軟而且是濕潤的，有點像蛋糕的多士，但過不會像蛋糕那樣甜膩。三大塊多士配埋其他配料如特大粒的蜜紅豆和白玉，食完真係超滿足。餐廳的法式西多士真係必試，而且抹茶產品夠高質，值得大力推介。