影片
港鐵荃灣西站 A1 出口, 港鐵荃灣西站 A2 出口, 港鐵荃灣西站 E2 出口
繼續閱讀
電話號碼
26081138
開飯介紹
來自佐賀的Cafe品牌，其和洋料理以薄餅及肉類菜餚為主，而甜品由日籍甜品師顧問設計，配上挑選咖啡豆沖泡的咖啡，氣氛休閒寫意。
繼續閱讀
營業時間
今日營業
12:00 - 22:00
星期一至五
12:00 - 22:00
星期六至日
11:30 - 22:00
以上資料只供參考, 請與餐廳確認詳情
Ufufu充滿日式木系風，以日式盆景點綴，優雅簡樸。採開放式廚房設計，客人可以看著店員煮咖啡及做甜點，提供多款精緻日式洋食、期間限定甜點及飲品，坐在寬敞卡位，細嚐精美甜點，非常療癒。蒜片大蝦蕃茄汁意粉 128自家製麵條，掛滿濃郁的蕃茄汁，大蝦肉質紮實，鮮味十足。加上蒜片，入口鮮香惹味，啖啖充滿番茄的酸香，令人垂涎。UFUFU牛肉漢堡 88牛肉漢堡香噴噴，肉汁香濃，麵包皮酥香，入口帶細膩牛油香，令人食指大動! 大口咬下去，沁出油潤肉汁，還有蕃茄及爽脆青瓜，令人食指大動。芒果派對多士 138法式多士酥香可口，鋪上滑溜忌廉，配上蜜甜的芒果肉，賣相誘人。多士入口熱呼呼，倒上糖漿，再吃一口奶滑濃郁的雪糕，冷熱交融，蜜甜中帶柔滑，十分滋味。草莓の天使芭菲 128天使芭菲是甜品控的天堂，草莓果肉疊至高高，加上牛奶雪糕，充滿和風特色。中心填滿新鮮草莓，混合脆米及啫喱，倒上草莓果醬，散發天然莓果酸香，令人甜入心扉。沖繩雜果梳打/博多甜王草莓梳打雜果梳打果香濃郁，馥郁的菠蘿香，濃甜蜜意。草莓梳打粉色夢幻，清爽淡甜，入口消渴解膩。
繼續閱讀
同朋友去荃灣廣場新開嘅日本餐廳試吓 😍餐廳最出名就係法式多士甜品，所以主餐方面就唔太多選擇，只有意粉同漢堡包；環境同座位都係跟返日式風格，幾優雅；不過每張枱之間都比較近，朋友傾偈可能唔算太好 😌🍴牛油果雞胸多士 $186由於想健康啲，食下菜嘅關係😛 我地先叫咗個沙律菜同牛油果😜 雞胸肉薄切配埋半個牛油果，幾好食👍🏻 有少量嘅什菇同日式溫泉蛋；而且順便試埋呢度最出名嘅法式多士麵包😍 🍴明太子帆立貝忌廉意粉 $156估唔到咁好食！個汁真係好 creamy! 帆立貝都新鮮無雪味👍🏻👍🏻 都幾 surprise!🍴芒果派對多士 $138點埋甜品嘅時候，侍應姐姐好細心咁話俾我地聽，個多士係同之前點嘅牛油果多士係一樣；可以選擇點其他唔同嘅甜品，例如Parfait/ 蛋糕類咁 👍🏻👍🏻👍🏻 但我地都係鐘意食個多士😙😙 所以都係照點咗😛 整體上都係好食！芒果鮮甜，超多cream 😂 🍴摩卡咖啡 $28美式咖啡 $28🩷最後一提，真係好喜歡侍應姐姐👍🏻 有問有答，而且會介紹餐牌上嘅食物👏🏻笑容態度都好好👍🏻👍🏻超讚！開心愉快嘅一個下午🩷
繼續閱讀
同閨蜜去咗荃灣廣場UFUFU CAFE歎個輕鬆下午，環境真係好舒服，木系風加盆景，感覺好治癒～😌☕️🍝 明太子帆立貝忌廉意粉好Creamy，個汁掛麵掛得靚，帆立貝仲要夠鮮甜，完全冇雪味，食落仲有少少Surprise，真係估唔到咁好食🤩☕ 熱泡沫咖啡泡沫好滑，啡香濃郁，熱辣辣嘆住真係好暖心❤️🍔 UFUFU芝士牛肉漢堡 牛肉夠Juicy，芝士濃香冇得輸，麵包又酥又香，夾埋爽脆青瓜同蕃茄，口感夠豐富，真係忍唔住大口咬落去😋🍵 天山 雪糕好滑，抹茶味濃厚但唔會苦，帶回甘，簡直完美收尾💚🍨呢度食物質素真心唔錯，坐得舒服，又有啱拍照嘅日系氛圍，真係值得再訪📍✨
繼續閱讀
吉士忌廉芒果($88) 嘅size略嫌細咗啲，同埋有好多芒果都太凍，似未解完凍。不過可以加$28有杯熱Cappuccino就還算可以啦。焦糖香蕉($138) 價錢相當唔平，製成品算OK大份，同埋個法式多士係幾好食嘅。Matcha Latte ($48) 表面上抹茶味好濃，但其實佢嘅味道同奶味係分開嘅，好似各有各飲咁，做唔到融合嘅效果，有啲可惜。最重要係佢個拉花歪咗，我係幾失望嘅。+$28嘅Cappuccino雖然個拉花冇歪到，但咖啡味就略嫌苦澀，同樣唔達到我嘅要求。呢度嘅嘢食同性價比算中中挺挺，法式多士係幾好食，值得叫嘅，至於其他嘢就打卡味道比較濃。下次再試吓佢啲熱食。
繼續閱讀
今日行到荃灣廣場，見到呢間餐廳個餐牌好吸引，就入去試吓！一睇餐牌，有好多好正嘅美食，即刻忍唔住點咗幾款招牌菜。首先講吓個「UFUFU芝士牛肉漢堡」！個漢堡包一上枱，已經香氣撲鼻！大大塊嘅牛肉扒煎得外層微焦，咬落去肉汁爆發，肉質鮮嫩多汁。再加上厚厚一層會拉絲嘅芝士，芝士控真係忍唔住尖叫！芝士同牛肉嘅味道完美融合，夾埋新鮮爽脆嘅生菜同番茄，口感層次好豐富，成個漢堡包份量好足，食落超有滿足感！再試吓「草莓家族多士」，呢個真係好有驚喜！法式多士煎得金黃酥脆，外層微微焦香，入面軟綿綿。最正嘅係上面配埋牛乳雪糕，雪糕口感幼滑，奶香濃郁。鮮奶油上鋪滿咗各種莓果，士多啤梨、藍莓、紅莓……酸酸甜甜嘅莓果味同奶香十足嘅多士、雪糕一齊入口，味道清新又甜蜜，完全唔會覺得膩！仲有「吉士忌廉芒果芭菲」都好出色！鮮芒果片鋪成靚靚嘅玫瑰形狀，賣相已經好吸睛！新鮮嘅芒果清甜多汁，下面嘅鮮忌廉口感輕盈幼滑，吉士味香濃，一啖芒果一啖忌廉，食落好治癒，好啱鍾意食甜點嘅朋友！飲品方面，叫咗杯「沖繩雜果梳打」，一上枱就被靚靚嘅漸層色吸引！入面有唔同嘅雜果粒，飲落清清爽爽，雜果嘅香甜味同梳打嘅氣泡感好夾，好解膩，好啱配埋前面嘅美食一齊飲！
繼續閱讀