甘味處鎌倉 (屯門市廣場1期)

營業中

休息中

上星期六同朋友入左屯門BBQ，之後大家都想搵個地方坐下食下甜品，就發現屯門市廣場有間甘味處鎌倉，呢間餐廳之前喺銅鑼灣希慎廣場都試過，佢嘅甜品都想當特別有特色，所以就一行人過左去食喇。先講講個裝修，以木材為主體，感覺上十分和式，有置身於日嘅感覺。朋友點呢個生蕃茄泡冰真係相當特別，平時食刨冰都係以生果同朱古力為主。呢款以蕃茄做base嘅都係第一次見，蕃茄嘅香味完全滲透於冰與冰之間，估唔到原來蕃茄嘅味道都可以咁夾。入口酸酸甜甜，十分清新，而且完全冇生蕃茄嘅草青味，十分開胃。我呢個就係抹茶蕨餅+熱手打抹茶，蕨餅係我其中一樣至愛，入口軟糯之餘茶味香濃，唔會太過甜。而呢杯手打抹茶令人更加讚嘆，茶香味濃，同個蕨餅十分match，兩者配合完全提昇咗個茶味，而且十分解膩，真係不得了。