影片
更多
2024-07-21
89 瀏覽
日前小編同咗個酒量好好嘅朋友仔去咗間日式居酒屋，摸下杯底，傾下計，飲返幾杯咁呢間居酒屋有多款sake、果酒同燒酎，除咗定期會入啲新款式，仲會搵酒廠一齊釀製「港式味道」嘅酒，配埋多款佐酒美食同串燒，真係快樂不知時日過😆如果唔知揀邊款酒好嘅朋友仔，可以搵在場唎酒師推介一下。由於位置大部分都係吧位，唎酒師好快會幫到你！另外，可以留意下佢哋嘅社交平台 page，定期都會有活動同折扣優惠，例如呢個月逢星期一會有premium sake 7折！鍾意嘅朋友仔唔好錯過呀😎♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 清酒Sake/果酒<清酒Sake>૪ 蕃薯糖水 $88呢款craft sake係用咗日本蕃薯，與福岡嘅日本LIBROM釀造廠一齊釀造，為咗夠「港味」，仲加左大量生薑，真係「夠薑」！飲到先有蕃薯香甜，後有薑嘅辛辣收尾૪ 三千櫻 完熱バナナ酵母 純米吟醸 $88嚟自北海道嘅一梳搶眼鮮黃色嘅香蕉印係樽身，同時都用咗成熟嘅香蕉酵母釀製而成，味道有香蕉蛋糕嘅甜味૪ くどき上手 亀仙人純米大呤釀 $108呢枝較有名氣嘅清酒嚟自山形，花果
呢間居酒屋有多款sake、果酒同燒酎，除咗定期會入啲新款式，仲會搵酒廠一齊釀製「港式味道」嘅酒，配埋多款佐酒美食同串燒，真係快樂不知時日過😆
如果唔知揀邊款酒好嘅朋友仔，可以搵在場唎酒師推介一下。由於位置大部分都係吧位，唎酒師好快會幫到你！
另外，可以留意下佢哋嘅社交平台 page，定期都會有活動同折扣優惠，例如呢個月逢星期一會有premium sake 7折！鍾意嘅朋友仔唔好錯過呀😎♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 清酒Sake/果酒
<清酒Sake>
૪ 蕃薯糖水 $88
呢款craft sake係用咗日本蕃薯，與福岡嘅日本LIBROM釀造廠一齊釀造，為咗夠「港味」，仲加左大量生薑，真係「夠薑」！飲到先有蕃薯香甜，後有薑嘅辛辣收尾
૪ 三千櫻 完熱バナナ酵母 純米吟醸 $88嚟自北海道嘅一梳搶眼鮮黃色嘅香蕉印係樽身，同時都用咗成熟嘅香蕉酵母釀製而成，味道有香蕉蛋糕嘅甜味
૪ くどき上手 亀仙人純米大呤釀 $108
呢枝較有名氣嘅清酒嚟自山形，花果香氣中帶濃厚米味，味道偏甜，口感圓潤
૪ 初恋 純米 生原酒 $88
想感受下/回味下初戀嘅味道，可以試下呢枝出產自滋賀縣，味道有甜有酸，最後飲到苦澀味就知道係時係要完結啦
૪ 風の森 山田錦807 笊籬採リ $98
奈良出產嘅風の森，用獨有嘅「笊籬採」去釀製，由於係釀製過程幾乎沒有接觸空氣，飲落帶有少少微碳酸口感，有果香味，幾清爽
<果酒>૪ 鳳凰美田 桃 $108
不愧被職員稱為世一桃酒，桃味甜蜜超濃郁，啖啖都係桃肉，完全喺飲緊鮮榨桃汁
૪ 鳳凰美田 みかん蜜柑酒 $98出自世一桃酒酒廠，飲落完全似就咁食原個蜜柑！重點係雙手唔會搣到污糟晒就食到蜜柑
૪ 鳳凰美田 ゆず柚子酒 $90出自同一酒廠，繼對上兩枝果酒，小編已經鍾意咗呢間酒廠嘅果酒！
呢款酒精含量相對高啲，有13%，但飲落唔覺有酒精味，而且聞落好refreshing，好似有個柚子啱啱係面前剝好
❥ 串燒
૪ 大葱雞肉 $48
૪ 雞肝 $38
૪ 黑豚腩肉 $45
૪ 厚燒牛舌 $68
串燒份量好足料，雞肉軟嫩，雞肝綿密，腩肉大塊軟腍，牛舌爽口彈牙，呢兩款十分厚身，咬落多汁
❥ 前菜/小食૪ 精美前菜 $38
૪ 牛蒡漬 $48
૪ 酒盗芝士 $48
૪ 枝豆 $48
૪ 唐揚雞軟骨 $58
૪ 秋葵八爪魚 $78
૪ 吉列多春魚 $78
食咗咁多小食，小編覺得較特別嘅係酒盗芝士同秋葵八爪魚，呢啲出面少見到。
酒盗芝士係傳統佐酒小食之一，用吞拿魚/鯛魚內臟醃製後，再加上cream cheese而成，味道鹹鮮，真係會係咁食係咁飲
秋葵八爪魚，有wasabi嘅香帶少少嘅辣，有嚼勁嘅八爪魚，愈咬味道愈香
雞軟骨同多春魚炸得香口；枝豆大粒爽甜。前菜仲會用時令食物去整，今次係青瓜蝦沙律，清爽鮮甜
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
張貼
