Poke Go (漆咸道南)

營業中

休息中

今日同朋友行尖沙咀，見到間幾吸引嘅夏威夷魚生飯，就同朋友入咗去試下喇自選魚生飯1：三文魚沙律菜及蛋絲魚子黃瓜辣蛋黃醬果仁個醬十分開胃，有啲辣得嚟又唔會太over，食落去都好惹味；三文魚都大舊，再加埋魚子、黃瓜好有咬口咁，增加成個飯嘅口感。而朋友因為好鍾意食菜，所以就叫咗個沙律菜同飯一齊食，估唔到配埋一齊又算幾夾，食落去新鮮之餘，亦都幾爽口。自選魚生飯2：三文魚（加量 +48$）壽司飯蛋絲鰹魚汁蕃茄仔甜玉米鍾意食三文魚嘅朋友一定要加量，個量確實比起原來嘅多，加上係厚切，個人覺得都幾花算；蛋絲好幼細，係比較少可以係出門食到呢種嘅口感；蕃茄仔同甜玉米都幾好，個人覺得都算新鮮，食落都好清甜；醬汁我就覺得大家要記住叫少汁，因為佢個汁本身都好夠味。