小曼谷泰國美食 (南角道)

營業中

休息中

九龍城出名多泰國餐廳，而呢間都唔例外，朋友之前去過，話值得到訪，今日經過就順便買外賣返返屋企開餐。會話呢度嘅lunch性價比高，平均$60一個主食連湯同飲品，出面邊度搵啊😂黃咖喱燒雞扒飯：黃咖喱唔辣，濃稠度適中，配飯好夾，惹味又夠香。雞扒幾嫩，份量OK。雞絲扎肉湯金邊粉：湯底清甜，飲落唔會覺得口乾。金邊粉軟硬度適中，掛汁。海南雞飯：飯夠多，粒粒分明，顏色好淺但有油香。海南雞啖啖肉，份量比想像中多。鮮蝦炒金邊粉：賣相最靚，分左右邊。炒至入味，越食越過癮，蝦仁大大隻，爽口彈牙，我最鍾意呢款。小曼谷炒米粉：獨家special，乾身又帶點濕潤度，入味又唔會過鹹，配料豐富，層次分明。滷水豬手飯：豬手煮至淋身，老少咸宜，滷水味突出，配飯食好好味，旁邊仲有菜，中和整體油膩感。