越好

營業中

休息中

今晚去沙田行街，突然想食越南野，行行吓見到呢間越式餐廳，好似裝修得唔錯，所以入去試吓。睇睇餐牌，價錢都唔貴，我見2人餐都幾抵食，有主食，小食同飲品，於是叫咗個2人餐。越南炸春卷，炸得好香脆，份量都幾多，有5條。炸蝦餅，炸得唔太油，蝦餅好爽口，即炸熱辣辣，外脆內軟，好好食。生牛肉湯河，都幾足料，牛肉有好多片，湯夠熱，湯底幾清幾好味，河粉都好滑，唔錯。咖喱串燒雞，呢個咖喱飯有4串雞，燒得面頭焦焦脆脆，加埋咖喱一齊食，好惹味。餐飲青檸梳打＆涷奶茶，梳打好夠氣，青檸夠酸，而奶茶都好香濃。