越好

【沙田區】【越好】好耐冇喺下午時份過嚟沙田火車站呢邊，以前過嚟補習就成日都經過，一轉眼就咁多年喇。而連城廣場呢邊啲餐廳都有啲變動，求其食一間睇吓點。於是就揀咗呢間應該係食越南嘢嘅餐廳，仲有下午茶，而且個下午茶時段去到六點，幾佛心，食吓個味道先。講咗咁耐就當然叫佢哋嘅「越好下午茶」，揀咗湯河類 $55 嘅「生牛肉湯河」，碗嘢唔差㗎喎，牛肉嘅選料都幾靚，我覺得係性價比之選。而我亦都有加配小食，要咗 $14 嘅「鹹蝦醬雞中翼」，唔算好正，只係普通兩隻炸雞翼咁，個味冇乜特別，有雞醬點。嘢飲我就加 $3 飲「凍美祿」，有 milo 就是爽，埋單 $72。本身冇諗過食多餐，點知突然間又經過嗰頭，就不如食多個「越好下午茶」啦。今次要咗法包類 $45 嘅「扎肉法包」配「熱美祿」，個包好一般，亦都唔辣，杯嘢飲沖得都幾淡，啲錢畀得唔算太過癮。。。（地址：沙田車站圍1號Citylink 1樓109號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田區 #沙田 #越好 #越好下午茶 #生牛肉湯河 #小食 #鹹蝦醬雞中翼 #凍美祿 #法包 #扎肉法包 #美祿 #1am1943 #1ambackup…查看更多

扎肉湯河（轉檬粉） ＄55.明明已經叫少粉，都好大份量個人覺得去越南餐廳吃湯粉最緊要係個湯底，呢個湯底一嚟到嘅時候見到個顏色咁淺色都有少少擔心個味道雖然個湯底唔算好濃牛骨湯味，淡淡地，少少清甜個扎肉唔太咸，唔會話好驚豔d粉同扎肉都係正常發揮，冇話特別好吃/難吃會話係快lunch之選P.S午餐時間超多人排隊…查看更多

星期六運動前，是但求其吃⋯⋯門口餐牌大大隻字寫著午餐$49起⋯⋯於是豪不考慮下走進去吃碗越南粉吧！今天天氣有點熱，打算吃個越式撈檬熱落神花茶~餐飲可選落神花茶不用加錢，但完全沒有落神花感覺，反而覺得有點像某品牌的黑加倫子啫喱粉煮好啫喱那時的感覺，有趣。自家製春卷~餐另加$20有兩條迷你春卷，木耳配肉碎，熱騰騰炸起，小心燙嘴。香茅豬扒撈檬~豬扒香茅味未算特出，肉質也未算鬆化，檬粉內那青瓜絲及酸菜切得頗粗，未能感受到越式的影子。撈檬的醬汁頗甜整體來說:沒有越式感覺，味道扁向港式，以$80這樣質素的午餐來說比較貴。…查看更多

平時食開另一間越南湯粉，同frd買完嘢想偷吓懶索性就喺連城食。我同我frd都唔係第一次嚟呢間，不過我差唔多成兩年冇食過，記得味道OK嘅，唔知有冇變度。入座後嗌咗兩個下午茶餐香茅雞扒飯$49生牛肉湯河$55生牛肉河d牛肉好韌咬唔斷，個湯味道怪怪地，完全唔似其他餐廳咁香口，飲兩啖已經唔想繼續。至於雞扒飯，呢碟飯上到嚟同frd對望真係打晒？？乜雞扒咁細舊？睇番其他食評d肉明明好大舊㗎，唔通份餐主角係泰國香米？雞肉唔好食，好柴，都係有浸味。以下午茶嚟講，呢個價錢（包熱飲唔使加錢），喺沙田唔算貴但完全唔抵食，唔知口味變咗定係點，重點係—唔好食。諗番平時食嗰間，相差無幾嘅價錢味道好好多。入嚟之前冇睇食評，以前食過印象冇咁差，呢次直情覺得中伏。見其他食客有講態度問題，今次唔覺態度差，入座落單埋單都正常。不過用餐半個鐘，係有見到送錯餐/送漏嘢/隔離一食完就即刻收嘢。連我哋都係，冇話問聲仲要唔要就直接收嘢（個場唔full一半吉檯亦冇人等位）。仲有用餐時店員喺度掃地？！係有就住就住咁掃，但我哋嗰邊坐咗幾張檯，用緊餐唔係話食物掉咗落地，都要係嗰陣掃地真係第一次見。眼見同一個店員做幾樣嘢，可能趕住收工～…查看更多

見到啲食評，全部清一色負評，話好服態度好差，但係呢日真係又趕時間，又想食越南嘢😂所以都係嚟咗一試，不過有啲出乎意料喎冇食評講得咁差，特別係啲餐廳職員幾好下，比好多舖頭都友善，唔知係唔係因為晚市冇咁多人，冇做得咁辛苦，所以態度好啲呢😂嘢食方面就正正常常不過不失，撈檬汁都係食開嗰款， 酸酸甜甜開胃一流，份量都適中， 男仔食就應該唔夠飽㗎喇，可能係另外加多份小食或者嘢飲， 女仔食就應該啱啱好啦， 我都應該會返兜嘅…查看更多