風車

營業中

休息中

今次黎到大圍呢間叫風車既餐廳，雖然格局唔係話好華麗，但裝修睇得出老板都花左幾多心思係呢間舖身上，有唔少有關風車主題既相／擺設，幾有精品裝修，年青既感覺。抗疫環境下，餐廳都有出唔少外賣餐單，性價比都幾高，叫開外送既都可以留意下。主菜叫左佢個春雞，好多脾，唔似得出面果d餐廳將d雞頭雞尾都比你黎充場面，醃得都幾唔錯，味道好重黑淑味，色水都幾夠，食落都多少嫩口，又夠大件夾抵食。薯角夠曬香脆，調味充足，仲搭左2條大大條既露荀，成個餐咁就完美喇。另外，小食叫左個鵝肝面包，面包夠曬脆口，鵝肝都幾大件，而且唔會太熟，油脂感充足。味道唔錯。係度飲返杯咖啡，Chill下，再去大圍踩返個靚單車，就又一個悠閒假期，weekend唔錯既節目。