牛牛日式火鍋放題 (北角匯二期) (已結業)

／／沿途在 修理著熄了的曙光 祝你在亂流下平安 真愛是任何形狀 對付百孔千瘡 誰能望穿我 這種堅壯非堅壯 形勢壞透只好對抗 由我硬撑著 使你心安／／呢幾個月一直都覺得唔係幾好，好彩一直以來都有唔同身邊嘅朋友、另一半支持我。其中一個就係M先生。為左獎勵佢今日下晝就同佢嚟咗牛牛日式火鍋放題食好西。餐廳位於北角碼頭附近嘅新商場入邊，所以周邊嘅設施同配套都好好。由北角碼頭行過嚟只係1分鐘，而且地鐵站更加過條馬路就到。而且餐廳位置都幾開掦。有部份位置仲可以望到海景添～今次我哋就叫咗最平嘅任食套餐，雖然牛肉睇落就簿咗啲，但係質素就唔錯，而且都叫做有肉味，百幾蚊嘅價錢CP值幾高。而且餐廳配料都幾多，除咗一般嘅蔥蒜蓉芫荽之外，仲有啲泰式辣汁、芝士粉、花椒油等等。可見誠意一斑！配菜雜丸方面：質素就正正常常同一般放題冇乜分別。但要讚嘅位係佢嘅衛生都做得幾好，食物擺放得好整齊，而且店家會將質素唔好嘅菜批走／揼咗佢～而且餐廳仲有一個回本位：就係M字頭嘅雪糕任食，而且午市放題都會包括，所以只要食到幾杯就已經回到本飲品我覺得佢都幾好，因為佢主要都係罐裝同支裝飲品而唔係汽水，一嚟 CP值會高啲，而且都會比較衛生。最