水門雞飯 (裕民坊YM²)

營業中

休息中

觀塘裕民坊地面原來有間性價比超高嘅水門雞飯，最近去試咗佢哋嘅下午茶餐外賣，真係有驚喜呢度最平$3x蚊就有交易，真係時光倒流價。份量ok，真係誠意十足。首先講講佢哋嘅水門雞油飯，雞滑，飯夠香、夠油香但唔膩，再加埋佢特製嘅泰式醬汁，酸酸辣辣，好食。我哋仲試咗豬手飯，膠質豐富，滷得入味，鹹香適中。仲有，佢哋啲船河都幾出色，但係船粉建議堂食，湯底香濃，唔會水汪汪，牛肉份量多又夠嫩，真係抵食最開心係可以加$5蚊要杯凍飲，叫杯正宗泰奶或者其他泰式特飲。呢間位於裕民坊嘅水門雞飯，無論價錢、份量定味道都交足功課，尤其係下午茶時段CP值極高，絕對係觀塘區搵平靚正泰菜嘅首選！