影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
今日嚟到觀塘裕民坊 好耐冇食過水門雞飯 一於入去食！估唔到接近八點都仲要等位 等咗一陣好快就入咗去～ 坐低睇睇餐牌 就自助落單啦 好方便～ 水門雞飯 $54必點之選！每次一耐冇嚟食就會好掛住佢嘅雞飯😬 就算食雞胸都唔會柴 雞皮爽滑 雞飯粒粒分明 味道啱啱好 配埋佢嘅醬料 真係好好味😋 話梅茶 酸酸甜甜好開胃 食埋粒話梅肉 好滿足😌 泰式奶茶好正宗嘅泰式奶茶 好滑同埋以香港人口味嚟講 算係偏甜😆 海鮮冬陰功湯金邊粉記得上次試過佢嘅船麵不錯 今次就想試吓佢嘅冬陰功湯 海鮮有魷魚、青口、大蝦 全部都爽口彈牙 好少會食湯嘅金邊粉 配埋冬陰功湯底 酸酸辣辣都幾好味😋 脆炸香茅雞翼香茅味好香 炸得外脆內軟 咬開仲有肉汁😍 泰式燒腩仔真係燒完就即刻上枱 熱辣辣要攤一陣先可以食🤣 外脆內軟 有啲似豬頸肉既感覺 配埋醬汁酸酸辣辣 好味😋 炸雲吞香脆嘅雲吞皮 入面係蝦滑 醬汁係酸酸甜甜 不錯👍🏻 串燒即叫即燒 燒得岩岩好又好香 叫咗兩串雞肉一串豬肉 雞肉好滑 估唔到豬肉都唔會柴 配埋沙嗲醬 真係好食😋 整體嚟講 水門雞飯 食物質素不錯 店員服務態度好 為左個雞飯 間唔中就會黎再食😬
繼續閱讀
水門雞飯係觀塘開左分店，終於有分店開係我屋企近少少🥹。今日買外賣返屋企食，發現外賣質素唔差。餐廳設有外賣專區，非常方便。- 脆炸香茅雞翼放到屋企用左20分鐘，雞翼仍然好香脆，每一隻炸到金黃色，香茅味道好突出。追加小食只係叫$20，一共有4隻。- 水門雙拼雞飯餐廳用既白身走地雞脂肪比較少，肉質非常嫩滑，好有雞味，無骨最啱唔鐘意lur骨既我。同埋一定要點祕製雞汁，酸酸甜甜好好食。雙拼另一主角係炸雞，雞件炸得恰到好處，仍然juicy。雞飯粒粒分明，香但唔知油膩。雞飯仲會附送雞湯，每次都會飲到一滴不留👍🏻- A5和牛泰式船麵麵底有五款咁多，我揀左蛋麵，掛湯能力一流，和牛有三大片，味道好出色，油脂甘香。湯底好濃味但唔會太甜。外賣既話，餐廳會將湯底分開👍🏻- 泰式炒通菜通菜脆嫩，可以揀少油少鹽證明即叫即炒，- 泰式奶茶奶茶唔錯，最緊要夠甜🤣食物水準一如以往地高，即使唔同分店，雞飯依然係香港第一🙇🏻♂️
繼續閱讀
初三赤口無去拜年, 同媽咪去觀塘行個新年運, 順便食少少野醫下肚。去咗裕民坊YM²嘅水門雞飯食水門雞。餐廳面積不大, 但地方整潔企理, 食物同飲品款式多, 自行scan QR code落單, 食物好快上檯。水門雞飯 HK$54可選雞胸/+$10指定選雞髀沒有指定就隨機比, 雞件去骨, 肉質嫩滑, 配上了鹹甜醬汁, 味道更提升。配有雞湯, 味道很重胡椒香氣另外飯量可自選多與少, 我地揀咗多飯, 果然夠飽, 飯很有雞油香, 不會過油, 粒粒分明。+$10 追加跟餐小食 – 香茅雞翼 (2隻)雞翼炸得金黃有油光, 肉質嫩滑, 細味有香茅獨有香氣。泰式奶茶 HK$22味道很有泰國地道風味, 口感滑, 茶香奶濃。菊花茶 HK$20味道清新, 有陣陣菊花清香, 不會過甜。芒果糯米飯 HK$58糯米飯黏糯, 芒果雖未算極甜, 但多汁唔酸, 加咗椰漿令整體味道甜一D。
繼續閱讀
今日真係好掛住泰國嘅味道，忍唔住要去搵返啲泰國菜嚟食！最後決定去咗裕民坊嘅「水門雞飯」買外賣返屋企慢慢嘆。叫咗幾樣嘢，真係食到好滿足🥰水門雞飯：呢個真係必叫！雞肉超級嫩滑，皮同肉之間仲有一層啫喱，咬落去真係好有口感，雞油飯仲好香添☺️雞雜：有雞腎、雞腸同雞紅，樣樣都處理得好好，完全冇腥味。雞腎爽口，雞腸彈牙，雞紅滑溜，配埋啲醬汁，好惹味😍芒果糯米飯：芒果好甜，糯米飯軟糯得嚟又帶啲椰香，食落去真係好有泰國街頭嘅味道😋泰式奶茶加珍珠：奶茶茶味濃郁，甜度啱啱好，珍珠又Q彈，飲落去真係好解渴👍菠蘿沙冰：呢個真係解暑神器！菠蘿味好清新，沙冰打得夠細滑，飲一啖即刻涼透心，好適合而家咁熱嘅天氣🤗
繼續閱讀
老實說，觀塘的水門比起尖沙咀水門的雞飯更好吃，甚至我覺得比曼谷當地吃到的版本更吸引我，除了是因為這裏的雞肥瘦更為均稱，吃起來肉質不會太過柴口之外。雞油飯的油香更為純粹，並非很濃的黃色，也沒有太多額外的香茅香味，平衡度二連鎖集團來說，這間做得OK。不知道食評網上的0負評，是真是假，但單純水門雞飯的表現，這裏比尖沙咀店更值得一讚。雞腳不是傳統的泰式雞腳沙律，而是偏向中式的類似鮑汁鳳爪的風味，滷水滷得相當入味，而且夠腍做到骨肉分離的口感，同樣不少酒樓的做得更為吸引。至於泰河，味道一般，始終不是最擅長的，反而有點濫竽充數的感覺。Honestly, the chicken rice at Kwun Tong’s watergate is better than the one in Tsim Sha Tsui and even more appealing than what I’ve had in Bangkok. The chicken here is perfectly balanced between fat and lean, with tender meat that isn’t dry. The rice has a pure chicken oil aroma, not overly yellow or overly fragrant with lemongrass, achieving good balance for a chain. The braised chicken feet, leaning towards a Chinese-style abalone sauce flavor, are tender and flavorful, surpassing many dim sum restaurants. However, the Thai noodles is mediocre and feels like an afterthought.
繼續閱讀