水門雞飯 (裕民坊YM²)

營業中

休息中

今日嚟到觀塘裕民坊 好耐冇食過水門雞飯 一於入去食！估唔到接近八點都仲要等位 等咗一陣好快就入咗去～ 坐低睇睇餐牌 就自助落單啦 好方便～ 水門雞飯 $54必點之選！每次一耐冇嚟食就會好掛住佢嘅雞飯😬 就算食雞胸都唔會柴 雞皮爽滑 雞飯粒粒分明 味道啱啱好 配埋佢嘅醬料 真係好好味😋 話梅茶 酸酸甜甜好開胃 食埋粒話梅肉 好滿足😌 泰式奶茶好正宗嘅泰式奶茶 好滑同埋以香港人口味嚟講 算係偏甜😆 海鮮冬陰功湯金邊粉記得上次試過佢嘅船麵不錯 今次就想試吓佢嘅冬陰功湯 海鮮有魷魚、青口、大蝦 全部都爽口彈牙 好少會食湯嘅金邊粉 配埋冬陰功湯底 酸酸辣辣都幾好味😋 脆炸香茅雞翼香茅味好香 炸得外脆內軟 咬開仲有肉汁😍 泰式燒腩仔真係燒完就即刻上枱 熱辣辣要攤一陣先可以食🤣 外脆內軟 有啲似豬頸肉既感覺 配埋醬汁酸酸辣辣 好味😋 炸雲吞香脆嘅雲吞皮 入面係蝦滑 醬汁係酸酸甜甜 不錯👍🏻 串燒即叫即燒 燒得岩岩好又好香 叫咗兩串雞肉一串豬肉 雞肉好滑 估唔到豬肉都唔會柴 配埋沙嗲醬 真係好食😋 整體嚟講 水門雞飯 食物質素不錯 店員服務態度好 為左個雞飯 間唔中就會黎再食😬

水門雞飯係觀塘開左分店，終於有分店開係我屋企近少少🥹。今日買外賣返屋企食，發現外賣質素唔差。餐廳設有外賣專區，非常方便。- 脆炸香茅雞翼放到屋企用左20分鐘，雞翼仍然好香脆，每一隻炸到金黃色，香茅味道好突出。追加小食只係叫$20，一共有4隻。- 水門雙拼雞飯餐廳用既白身走地雞脂肪比較少，肉質非常嫩滑，好有雞味，無骨最啱唔鐘意lur骨既我。同埋一定要點祕製雞汁，酸酸甜甜好好食。雙拼另一主角係炸雞，雞件炸得恰到好處，仍然juicy。雞飯粒粒分明，香但唔知油膩。雞飯仲會附送雞湯，每次都會飲到一滴不留👍🏻- A5和牛泰式船麵麵底有五款咁多，我揀左蛋麵，掛湯能力一流，和牛有三大片，味道好出色，油脂甘香。湯底好濃味但唔會太甜。外賣既話，餐廳會將湯底分開👍🏻- 泰式炒通菜通菜脆嫩，可以揀少油少鹽證明即叫即炒，- 泰式奶茶奶茶唔錯，最緊要夠甜🤣食物水準一如以往地高，即使唔同分店，雞飯依然係香港第一🙇🏻‍♂️

初三赤口無去拜年, 同媽咪去觀塘行個新年運, 順便食少少野醫下肚。去咗裕民坊YM²嘅水門雞飯食水門雞。餐廳面積不大, 但地方整潔企理, 食物同飲品款式多, 自行scan QR code落單, 食物好快上檯。水門雞飯 HK$54可選雞胸/+$10指定選雞髀沒有指定就隨機比, 雞件去骨, 肉質嫩滑, 配上了鹹甜醬汁, 味道更提升。配有雞湯, 味道很重胡椒香氣另外飯量可自選多與少, 我地揀咗多飯, 果然夠飽, 飯很有雞油香, 不會過油, 粒粒分明。+$10 追加跟餐小食 – 香茅雞翼 (2隻)雞翼炸得金黃有油光, 肉質嫩滑, 細味有香茅獨有香氣。泰式奶茶 HK$22味道很有泰國地道風味, 口感滑, 茶香奶濃。菊花茶 HK$20味道清新, 有陣陣菊花清香, 不會過甜。芒果糯米飯 HK$58糯米飯黏糯, 芒果雖未算極甜, 但多汁唔酸, 加咗椰漿令整體味道甜一D。

今日真係好掛住泰國嘅味道，忍唔住要去搵返啲泰國菜嚟食！最後決定去咗裕民坊嘅「水門雞飯」買外賣返屋企慢慢嘆。叫咗幾樣嘢，真係食到好滿足🥰水門雞飯：呢個真係必叫！雞肉超級嫩滑，皮同肉之間仲有一層啫喱，咬落去真係好有口感，雞油飯仲好香添☺️雞雜：有雞腎、雞腸同雞紅，樣樣都處理得好好，完全冇腥味。雞腎爽口，雞腸彈牙，雞紅滑溜，配埋啲醬汁，好惹味😍芒果糯米飯：芒果好甜，糯米飯軟糯得嚟又帶啲椰香，食落去真係好有泰國街頭嘅味道😋泰式奶茶加珍珠：奶茶茶味濃郁，甜度啱啱好，珍珠又Q彈，飲落去真係好解渴👍菠蘿沙冰：呢個真係解暑神器！菠蘿味好清新，沙冰打得夠細滑，飲一啖即刻涼透心，好適合而家咁熱嘅天氣🤗

老實說，觀塘的水門比起尖沙咀水門的雞飯更好吃，甚至我覺得比曼谷當地吃到的版本更吸引我，除了是因為這裏的雞肥瘦更為均稱，吃起來肉質不會太過柴口之外。雞油飯的油香更為純粹，並非很濃的黃色，也沒有太多額外的香茅香味，平衡度二連鎖集團來說，這間做得OK。不知道食評網上的0負評，是真是假，但單純水門雞飯的表現，這裏比尖沙咀店更值得一讚。雞腳不是傳統的泰式雞腳沙律，而是偏向中式的類似鮑汁鳳爪的風味，滷水滷得相當入味，而且夠腍做到骨肉分離的口感，同樣不少酒樓的做得更為吸引。至於泰河，味道一般，始終不是最擅長的，反而有點濫竽充數的感覺。Honestly, the chicken rice at Kwun Tong’s watergate is better than the one in Tsim Sha Tsui and even more appealing than what I’ve had in Bangkok. The chicken here is perfectly balanced between fat and lean, with tender meat that isn’t d

同女朋友夜晚去左裕民坊既水門雞飯食晚飯, 我試左佢個新野, 椰菜花雞飯🥦🐔係用椰菜花碎代替飯既生酮餐, 加埋隻烚蛋, 滿滿既蛋白質, 岩曬健身人士, 個水門雞我加$10轉雞腿, 肉質嫩滑好味😋女朋友就叫左泰式船粉🍜, 估唔到除左雞飯, 個船粉都同樣出色! 個湯底濃郁，牛肉片同泰式牛丸食落都好有牛味🐮, 牛丸亦好爽口👍🏻粉揀左金邊粉, 幾彈牙幾好食, 另外可以加個追加小食, 我地$30加左個泰式無骨豬手🐷幾惹味! 另外再加多個泰式炒通菜，有得揀少油少鹽，食落清爽不油膩👍🏻野飲叫左個泰式檸茶🍹個茶底好香, 同平時港式檸茶唔同, 女友話呢個應該係泰國手標紅茶既味道, 我以前未飲過泰式檸茶所以唔知, 第一次試都幾好飲!整體黎講, 食物份量足, 味道好, 有泰國地道風味同特色, 價格相宜, 食落感覺少油少鹽, 又有生酮餐俾人揀, 幾注重健康, 值得推薦!

蛇年迎來第一次春…. 霧呢間鋪雖然滴滴色色咁，但係坐喺窗邊嘅高台，望住車來攘往嘅物華街，都幾超chill。佢出邊仲有兩張街邊枱，真係貼地。佢哋有新嘢：A5和牛泰式船面！聽落真係好震撼一定要試吓。牛肉果然係有質素，油脂甘香均勻，貨真價實，份量雖然唔多，但係啱啱好。配合帶着微酸嘅湯底，近乎完美。椰菜花雞飯。原來係基於 生酮飲食 嘅理念推出嚟。果然係緊貼潮流。炒過嘅椰菜花帶出點點鑊氣，雞肉軟滑多汁。跟餐特飲一定要試 凍話梅茶，一飲即刻變超人。掃走晒所有肥牛嘅食滯感覺。芒果沙冰，凍到牙都甩埋。芒果糯米飯。

平時行過見咁多間分店但都冇機會試到😆今日終於同朋友試左呢間咁出名嘅水門雞飯！觀塘分店嘅位置唔係好多，但都算坐得舒服☺️
泰式冬陰公海鮮船粉💯冬陰公湯底紅潤，湯頭味道好豐富⭐️一碗湯集齊酸甜香辣非常開胃，酸酸辣辣嘅味道令人欲罷不能😍海鮮方面，蝦、青口同魷魚都非常新鮮👏🏼經冬陰公湯底一煮，海鮮嘅鮮味立即滲出🌊搭配爽滑嘅船粉，每一口都充滿了海鮮嘅鮮味同冬陰公嘅咸香的味道，真係好滿足！🫶🏼
芒果糯米飯🥭食泰國菜點少得芒果糯米飯！糯米粒粒分明，黏黏的口感配上香甜的芒果，簡直係天作之合🤌🏼椰漿甜而不膩後🤩配搭芒果同糯米飯令口味更加豐富，令人回味無窮。❤️
再黎就係炒通菜，通菜色澤翠綠，油潤光亮🌸口感爽脆，非常清新😋蒜香味十足，炒得火候剛好，保持咗通菜的原汁原味，係搭配主菜嘅絕佳選擇。
飲品方面，椰青及龍眼冰都值得一試。椰青清甜可口，清涼解渴🥥尤其食完唔同味道嘅菜再飲，真係好refreshing。而龍眼冰果肉Q彈，冰涼爽口，都幾特別👀

年初三去觀塘同表姐拜年，佢準備咗好多賀年糕點招呼我，知我喜歡食泰菜，仲買咗水門雞飯外賣比我食。水門雞飯是由本地人開設的泰式海南雞飯店，於大埔、元朗、尖沙咀均有分店，由泰國大廚主理，所用香料及調味料均由泰國直送。水門雞半隻：水門雞均用上約2.5斤重的白身走地雞，勝在皮薄少脂肪，雞肉無比滑溜，肉質細軟又有彈性。附送爽口嘅雞腸和嫩滑雞血。鳳尾蝦炒金邊粉：金邊粉炒得夠乾身，味道酸甜，鳳尾蝦肉質爽彈，擠點青檸汁，配上一點花生碎和辣椒粉，味道層次豐富極了！泰式豬手飯：豬手軟稔入味，啖啖骨膠原的感覺，豬皮還帶一點點彈性，不會過爛。雞油蒸飯係用泰國茉莉香米，加入雞湯、香料、蒜頭、辣椒炒完再煲，每啖都帶有清淡雞油香味。雞湯以雞殼、豬骨等以慢火熬足4小時，加上泰國胡椒，入口有好重嘅胡椒辛香味。

水門雞飯以前都食過，近排發現原來觀塘都有分店～放工一於試下佢地嘅外賣😛🐓水門雞飯雞肉滑嫩多汁，配埋餐廳特製嘅酸辣醬，酸甜微辣，油飯粒粒分明又有少少油香🍚，整體質素絕對合格😉🐂泰式乾炒牛河係偏濃味嘅一款菜式，牛肉份量十足，而且河粉乾身有鑊氣但唔會過火，保持咗彈牙嘅口感😝👅香辣牛舌牛舌片有八塊，切得薄厚適中，入口嫩滑，而且調味突出，辣味同香料嘅層次豐富，係非常出色嘅前菜，跟主食加$20有呢個份量冇得彈🥰🍗水門炸雞件外層炸得香脆但唔會過硬，入面嘅雞肉鮮嫩，放咗入外賣盒過咗一陣先打返開嚟食依然好脆，跟主食加$30就有喇，抵食👍🏻🥬泰式炒通菜通菜爽脆，帶有啲蝦醬味，濃郁但唔會過鹹整體嚟講，呢間餐廳唔同嘅分店都保持到水準，價錢亦合理，大家經過唔同嘅分店絕對可以一試☺️

呢間連鎖泰式餐廳晚市六點後追加小食$20起cp值好高呀！🔸六星鮮蟹肉炒飯（$108）炒飯幾有鑊氣啱算好油👍🏻面頭蟹肉份量十足夠鮮味😋🔸冬蔭功雞湯粉（$58）雞肉滑嫩有雞味啖啖肉兼且份量十足！湯底酸辣開胃超正❤️‍🔥🔸泰式燒腩仔 （+$30）腩肉肥中帶瘦燒得好香配搭泰式醬汁勁惹味😋🔸水門炸雞件（+$30）炸雞外層幾香脆唔會太乾身🔸芒果沙冰（+$12）沙冰質感幼細入口充滿香甜芒果味🔸泰式檸檬茶（+$8）泰式紅茶茶底味道獨特如果可以走甜更啱我個人口味呀！

觀塘YM2新開咗一間泰式海南雞飯店，聽聞幾唔錯，今晚就去試吓😛餐廳定價十分親民，大約$52就食到一碗海南雞飯，認真抵食。海南雞飯方面，我哋加$10轉咗雞髀，雞肉滑嫩，肉質鮮美，配上特調醬汁，十分美味泰式和牛船河嘅和牛入口即溶，油花均勻，值得一試😋我哋仲加咗小食，有泰式雞肉串燒，沙嗲醬十分惹味，雞肉都唔鞋，好多肉汁。甜品方面我哋叫咗芒果糯米飯，芒果都唔酸， 好新鮮，糯米飯好重椰汁味，份量都叫大份。總結嚟講，一間十分親民嘅海南雞飯。

我和老婆最近光顧了位於觀塘的水門雞飯，整體用餐體驗令人滿意。店員的招呼非常周到，讓我們感受到賓至如歸的氛圍。此外，餐廳的環境乾淨整潔，讓人倍感舒適。老婆點了店內的招牌水門雞飯，色香味俱佳，雞肉嫩滑，搭配特製醬汁，令人垂涎。隨餐還點了兩串雞肉串燒，味道鮮美，外焦內嫩，讓人回味無窮。而她的飲品選擇了凍龍眼水，清甜可口，為用餐增添了不少清新感。我則選擇了A5和牛泰式船粉，牛肉質地極為鮮嫩，搭配香濃的湯底，口感十分出色。為了提升味道，我還點了凍話梅茶，酸甜適中，十分解渴。此外，我的桌上還有脆炸香茅雞翼和炸黃門鳝魚皮，兩道前菜各具特色，香脆可口，讓人一口接一口。整體而言，這次用餐讓我和妻子都感到非常愉快，期待下次再訪，品嚐更多美味佳餚。

呢間水門雞飯真係一間唔可以錯過嘅食店！佢哋嘅雞飯真係一流，雞肉新鮮嫩滑，好有雞味，煮得剛好，配上自家製嘅醬油，味道超正，飯亦都煮得香軟，吸收咗雞肉嘅鮮味，食落去簡直係一絕，配埋佢哋嘅胡椒冬瓜例湯，飲落去好醒神，真係完美嘅搭配。而佢哋嘅泰式船粉亦都係超正，湯底好濃郁，牛丸味道一流且彈牙。而佢哋嘅香辣牛舌亦都好入味，軟硬度適中，加埋啲醬汁一齊食口感好豐富。價錢方面都好合理，對於咁高質素嘅雞飯嚟講，真係超值！店員亦好有禮貌，講解得好詳盡，感覺好貼心。總括來講，水門雞飯係一個啱哂鍾意食好味雞飯嘅人必去嘅食店，無論係午餐或晚餐，保證你食完都會好滿足！

原來新裕民坊商場地下有間水門雞飯，星期六五點前都有下午茶餐，於是買外賣返屋企食。下午茶居然只係$38, 包水門雞飯/ 船河+小食，可以㨂春卷/雞翼/牛舌, 份量唔細，船河有好多塊牛肉同四粒牛丸，非常抵食。加+$5就有啲泰式特飲，+$10仲有牛舌/ 芥䔵。另外仲嗌咗雙拼水門雞飯，炸雞香口唔油膩，水門雞無骨嫩滑雞味濃，點上泰式醬汁，好惹味。我覺得呢間嘅油飯比其他餐廳嘅香，同水門雞好夾。香葉辣肉碎煎蛋飯係屋企人至愛，呢個飯睇落簡單但因為要加泰式香料九層塔, 所以係屋企都唔易copy到隻味, 仲有隻燶邊蛋，超級送飯。串燒有得㨂豬同雞雙拼，烤得啱啱好，唔會乾，點上沙嗲醬，好食餐廳人手好夠，外賣包裝得好整齊，拎返屋企都無漏。呢個價錢真係太抵，會再encore.