Bubble Tree (成業工業大廈)

營業中

休息中

觀塘工業大廈美食多，今晚到左呢間同事推介的Bubble Tree，食番個美味西餐，佢推介原因是因為食物質素唔錯，價格亦都親民。餐廳佈置清新，主菜選擇多，可加錢配埋沙律、餐湯、飲品&甜品。沙律～田園素菜沙律配🥑牛油果，啱晒成日外出食飯的我哋，份量很足，食得健康又開胃。餐湯～蕃茄甘荀湯，內有茄蓉碎，夠晒厚身濃郁，飲落酸酸地令人開胃，夠真材實料。主食-～蟹籽蘆筍煙三文魚伴香蒜橄欖油意粉，切到成朵花的煙三文魚很靚，上面鋪了脆口蟹籽，配菜的BB露旬很爽嫩，意粉有淡淡的蒜蓉香味，味道烹調得不錯。安格斯漢堡滑蛋鐵板拌紅米飯，我額外加錢要了double蛋同芝士，故黎到放得滿滿的好正，厚身的漢堡煎得剛熟，咬落牛味重，肉汁豐富，中間仲有件美味大啡菇，將滑蛋同芝士跟飯拌勻食，多重口感亦唔錯。飲品～老友叫左朱古力咖啡，我就飲番至愛的凍檸茶。最後食埋個朱古力雪糕配窩夫🧇，凍雪糕配上熱的窩夫，冷熱交替口感很正。