越好

營業中

休息中

同朋友好耐冇食過越南野，既然大家都沙田友就幾左黎試下新野，越好位於沙田火車站一出就係既連城廣場一樓，好方便。去到就有位，叫左個二人餐$168，每人1主菜+1小食+1飲品，我哋分別試左生牛肉湯河同香矛雞扒撈檬。生牛肉沙河既牛肉分量算多，大大片有5至6塊，肉質緊緻有牛味，就算浸耐左都唔鞋口，河粉幾滑，好正係個牛肉湯暖粒粒，岩最轉凍既天氣食。另外撈檬個雞扒煎得岩岩好，好重香矛味，會有碗醋汁俾你撈丫撈，醃蘿蔔，生菜，青瓜呢啲配菜增加清爽口感。牛油蒜蓉雞翼炸得香脆，而炸蝦餅都唔差，點埋泰式甜辣醬👍兩杯香矛茶估唔到係有甜味，好重香矛味落重料。