影片
更多
2022-08-30
33 瀏覽
平時去青衣都係去青衣城多 今次去咗長發商場覓食 皆因男朋友細個成日去住長發嘅姑姐屋企玩 熟晒路😂 我仲聽佢講咗段長發小販嘅故事原來呢個屋邨商場入面竟然有咁多野食 最後我哋揀咗間裝修得幾靚嘅泰國野試下😜******************************食物s:🍢串燒沙嗲半打(雞,豬) ($88)食泰國野 先點串燒作前菜是常識吧❓今次點咗雞同豬串燒各3串 想留肚食其他野串燒整得夠熱 而且好入味 幾香口點埋沙嗲醬食特別惹味 😛🥘馬拉盞豬頸肉啫通菜煲 ($76)馬拉盞+通菜呢個配搭真係絕配❣️係我去食泰國野必點嘅一碟菜式呢個真係熱辣辣上枱 好有鑊氣👍食到尾都仲係熱熱哋 加分😍食落有少少辣 但係又辣得好過癮仲有埋豬頸肉搭配一齊食 好滋味呀😛🦪 辣椒膏炒鳳紋貝 ($98)原先係想點炒花甲 但當日冇貨轉咗鳳紋貝個份量都比得幾大方 一碟大約成廿隻仲有三色椒同洋蔥等配料 用上泰國辣椒膏炒 令到色彩更豐富之餘 香味亦更突出鳳紋貝大大隻 厚肉而且鮮甜食落都幾彈牙 口感幾唔錯但鑊氣稍嫌差咁啲啲 如果鑊氣再重啲就完美🫕冬蔭公海鮮湯 ($108)原煲熱辣辣上枱 初時仲未熄火架🤪海鮮湯非常足料 有香菇同大
皆因男朋友細個成日去住長發嘅姑姐屋企玩 熟晒路😂
我仲聽佢講咗段長發小販嘅故事
原來呢個屋邨商場入面竟然有咁多野食
最後我哋揀咗間裝修得幾靚嘅泰國野試下😜
******************************
食物s:
🍢串燒沙嗲半打(雞,豬) ($88)
食泰國野 先點串燒作前菜是常識吧❓
今次點咗雞同豬串燒各3串 想留肚食其他野
串燒整得夠熱 而且好入味 幾香口
點埋沙嗲醬食特別惹味 😛
🥘馬拉盞豬頸肉啫通菜煲 ($76)
馬拉盞+通菜呢個配搭真係絕配❣️
係我去食泰國野必點嘅一碟菜式
呢個真係熱辣辣上枱 好有鑊氣👍
食到尾都仲係熱熱哋 加分😍
食落有少少辣 但係又辣得好過癮
仲有埋豬頸肉搭配一齊食 好滋味呀😛
🦪 辣椒膏炒鳳紋貝 ($98)
原先係想點炒花甲 但當日冇貨轉咗鳳紋貝
個份量都比得幾大方 一碟大約成廿隻
仲有三色椒同洋蔥等配料 用上泰國辣椒膏炒
令到色彩更豐富之餘 香味亦更突出
鳳紋貝大大隻 厚肉而且鮮甜
食落都幾彈牙 口感幾唔錯
但鑊氣稍嫌差咁啲啲 如果鑊氣再重啲就完美
🫕冬蔭公海鮮湯 ($108)
原煲熱辣辣上枱 初時仲未熄火架🤪
海鮮湯非常足料 有香菇同大蕃茄🍅
海鮮就有大蝦、青口、魷魚等🦑
湯中仲有好多香茅 唔怪得飲落咁香啦
飲飲下都覺得有啲辣勁 酸酸辣辣咁好正呀😝
不過攤到最後凍晒🙈 如果可以Keep住暖耐啲就好喇
🦐燒大頭蝦 ($78)
第一次試燒大頭蝦 上碟時真係有啲震撼😮
啲蝦真係勁大隻 個頭仲好大個
食落咸咸哋 蝦肉特別鮮甜嫩滑
蝦頭仲有勁多蝦膏 好香口
我哋都覺得唔點酸辣醬 就咁食鮮甜味正啲
🍹珍多冰 ($26)
我特別鐘意啲“香”味野 (即係香料同椰子果種)
呢杯野飲好有驚喜 忍唔住係咁飲
入口係好重嘅椰奶味 又香又甜
面上有芒果肉 底部仲有仙草
🥥椰青 ($36)
椰青清甜多汁 飲落好fresh
用嚟解辣真係一流
飲完仲可以刮埋椰子肉食
好香呀 全部食晒呀😜
******************************
環境：
餐廳都幾大間 環境好闊落
而且有好多卡位 間隔開其他枱
坐得幾舒服 最重要係有私人空間❣️
仲可以擺到成枱食物 好正✌🏻
******************************
小結：
呢間餐廳環境幾好 食物質素都唔錯
可能做開街坊生意 店員都幾nice
又會問下啲野食啱唔啱口味 會有加分💕
只係食物選擇真係好多 太多野食未試到
下次如果有去開青衣 多人聚餐嘅
可以再試埋其他野食呀😜
2 瀏覽
0 讚好
0 留言
2 瀏覽
0 讚好
0 留言
張貼
