影片
更多
2021-08-25
609 瀏覽
有冇鐘意食印度嘢嘅同好呢！ଘ(੭ˊ꒳ˋ)੭✧鍾情於印度菜嘅我哋間唔時都會去試唔同嘅 #印度餐廳平時行去Times Square嘅時候可能你都會見過喺銅鑼灣鬧市樓上舖屹立二十年嘅＼阿拉丁咖哩屋／值得推介！想食羊肉所以叫咗$248嘅二人餐（免加一）套餐包括印度菜角、串燒免治羊肉卷、蕃茄牛油咖喱雞、香料薯仔椰菜、特色印度香飯/白飯、烤餅同嘢飲兩杯兩個人嚟講好夠食！印度菜角🥠入面以薯仔為主，點埋綠色嘅薄荷汁一齊食非常惹味。串燒免治羊肉卷🍗香料味好濃，同羊肉好夾，偏辣少少。蕃茄牛油咖哩雞🍅牛油咖哩屬於比較濃厚嘅咖哩類別，牛油嘅香味配埋蕃茄嘅酸甜唔會越食越膩，配埋烤餅食真係一流！佢哋嘅烤餅攞凍咗食都仲係好有麵粉香。香料薯仔椰菜🥔其實係椰菜花同薯仔嚟嘅，都係偏辣比較普通。總結呢間印度餐廳嘅性價比都幾高，唔洗加一，口味方面比較偏辣，唔太食到辣嘅朋友要留意啦～
鍾情於印度菜嘅我哋間唔時都會去試唔同嘅 #印度餐廳
平時行去Times Square嘅時候可能你都會見過
喺銅鑼灣鬧市樓上舖屹立二十年嘅＼阿拉丁咖哩屋／值得推介！
想食羊肉所以叫咗$248嘅二人餐（免加一）
套餐包括印度菜角、串燒免治羊肉卷、蕃茄牛油咖喱雞、香料薯仔椰菜、特色印度香飯/白飯、烤餅同嘢飲兩杯
兩個人嚟講好夠食！
印度菜角🥠
入面以薯仔為主，點埋綠色嘅薄荷汁一齊食非常惹味。
串燒免治羊肉卷🍗
香料味好濃，同羊肉好夾，偏辣少少。
蕃茄牛油咖哩雞🍅
牛油咖哩屬於比較濃厚嘅咖哩類別，牛油嘅香味配埋蕃茄嘅酸甜唔會越食越膩，配埋烤餅食真係一流！
佢哋嘅烤餅攞凍咗食都仲係好有麵粉香。
香料薯仔椰菜🥔
其實係椰菜花同薯仔嚟嘅，都係偏辣比較普通。
總結呢間印度餐廳嘅性價比都幾高，唔洗加一，口味方面比較偏辣，唔太食到辣嘅朋友要留意啦～
張貼
