先有送嘅甘筍龍蝦湯，將西式做法嘅湯用中式宮廷酒爵裝住飲，非常有特色。龍蝦湯味道鮮甜口感幼滑，仲夠晒暖胃。
老醋海蜇頭 $98
海蜇頭口感爽脆，同青瓜都吸收晒老醋嘅香味，食落帶酸且辣，非常開胃。
XO 醬翡翠蝦球 $168
蝦球大大隻爽口彈牙，加埋萵筍同淮山片一齊用XO醬爆炒，非常惹味，送飯食一流。
金不換啫雪花牛肉 $238
呢道牛肉啫啫煲鑊氣十足，上枱時聽到滋滋聲已經流晒口水。用嘅係雪花牛肉，食落腍嫩冇渣，加埋金不換夠晒香。
瑤柱蛋白炒飯 $138
最後叫咗個炒飯，入面有唔少瑤柱同蛋白絲，米飯粒粒分明炒得夠乾身又唔會太油膩。
。
。
龍味館 (中環)
中環德輔道中173號南豐大廈2樓3-5號舖
。
。
